नालंदा (बिहार): बिहारमधील नालंदा जिल्ह्यातील शीतला माता मंदिरात मंगळवारी झालेल्या गर्दीत भीषण चेंगराचेंगरी होऊन 8 महिलांचा मृत्यू झाला, तर अनेक भाविक जखमी झाले आहेत. जखमींवर विविध रुग्णालयांत उपचार सुरू असून काहींची प्रकृती गंभीर असल्याची माहिती समोर येत आहे.
चैत्र महिन्याच्या शेवटच्या मंगळवारी दर्शनासाठी मंदिरात मोठ्या प्रमाणावर भाविक जमा झाले होते. मात्र, एवढ्या प्रचंड गर्दीसाठी आवश्यक ती सुरक्षा आणि नियोजन नसल्याने परिस्थिती हळूहळू नियंत्रणाबाहेर गेली. दर्शनासाठी रांगेत उभ्या असलेल्या काही भाविकांनी घाईघाईत पुढे जाण्याचा प्रयत्न केल्याने गोंधळ निर्माण झाला आणि क्षणातच धावपळ सुरू झाली. या गोंधळात अनेक जण एकमेकांवर पडले आणि चेंगराचेंगरी झाली.
Gold Rate
June 27 ,2026 - Time 10.30Hrs
घटनेची माहिती मिळताच पोलीस आणि स्थानिक प्रशासन तात्काळ घटनास्थळी दाखल झाले आणि बचावकार्य हाती घेतले. जखमींना तातडीने रुग्णालयात हलवण्यात आले, जिथे डॉक्टरांनी 8 महिलांना मृत घोषित केले. इतर जखमींवर उपचार सुरू असून काहींची प्रकृती चिंताजनक असल्याचे सांगितले जात आहे.
या दुर्घटनेनंतर मंदिर परिसरातील सुरक्षा व्यवस्थेवर गंभीर प्रश्नचिन्ह उपस्थित झाले आहे. प्रत्यक्षदर्शींनी दिलेल्या माहितीनुसार, एवढ्या मोठ्या गर्दीसाठी पुरेसा पोलीस बंदोबस्त नव्हता. त्यामुळेच परिस्थिती नियंत्रणाबाहेर गेल्याचा आरोप केला जात आहे. दरम्यान, राष्ट्रपती द्रौपदी मुर्मू या नालंदा येथे एका कार्यक्रमासाठी उपस्थित असल्याने पोलिसांचे लक्ष त्या ठिकाणी केंद्रित होते, अशीही चर्चा रंगली आहे.
दरम्यान, प्रशासनाने या घटनेची चौकशी सुरू केली असून जखमींपैकी काहींची प्रकृती गंभीर असल्याने मृतांचा आकडा वाढण्याची भीती व्यक्त केली जात आहे.
मात्र 10 मिनट में 10 लाख के मोबाइल फोन चोरी कर हुआ...
NAGPUR TODAY | TOP - 10 NEWS | 27 JUNE 2026 #newsupdate...
नागपुर में देह व्यापार का भंडाफोड़ #nagpurnews #Crime #prostitute #NewsUpdate #latestnews
नागपुर के प्रतापनगर में खड़ी दो गाड़ियों में लगाई आग #nagpurnews #NewsUpdate...
नागपुर मनपा का 5200 करोड़ का बजट #nagpurnews #nmc #budget #newsupdate #nagpur...
यवतमाल में उद्धव ठाकरे का भव्य स्वागत ...#newsupdate #latestnews #maharashtranews #vidharbh
