नवी दिल्ली: पंतप्रधान नरेंद्र मोदी यांच्या हस्ते नवी दिल्लीतील भारत मंडपम येथे आयोजित ‘भारत टेक्स 2024’ चे उद्घाटन केले. 26 ते 29 फेब्रुवारी 2024 दरम्यान हे प्रदर्शन नागरिकांसाठी खुले असणार आहे. आजचा कार्यक्रम खूप खास आहे. महत्त्वाचे म्हणजे तो भारत मंडपम आणि यशोभूमी या भारतातील दोन सर्वात मोठ्या प्रदर्शन केंद्रांमध्ये एकाच वेळी आयोजित केला जात असल्याचे मोदी म्हणाले.
भारत हा जगातील कापूस, ताग आणि रेशीम उत्पादक देशांपैकी एक आहे. लाखो शेतकरी या कामात गुंतले आहेत. आज सरकार लाखो कापूस उत्पादक शेतकऱ्यांना आधार देत आहे, त्यांच्याकडून लाखो क्विंटल कापूस खरेदी करत आहे. सरकारने सुरू केलेला कस्तुरी कापूस भारताची स्वतःची ओळख निर्माण करण्याच्या दिशेने एक मोठे पाऊल ठरणार आहे. देशाला ग्लोबल हब बनवू, असेही पंतप्रधान नरेंद्र मोदी म्हणाले.
भारत टेक्सचे हे सूत्र भारताच्या गौरवशाली इतिहासाला आजच्या प्रतिभेशी जोडत आहे. भारत टेक्सचा हा फॉर्म्युला तंत्रज्ञानासोबत जुळविणारा आहे, असे पंतप्रधान नरेंद्र मोदी म्हणाले. तसेच, भारत टेक्सचे हे सूत्र शैली, टिकाव, प्रमाण आणि कौशल्य एकत्र आणण्याचे सूत्र आहे. प्रत्येक 10 वस्त्र निर्मात्यांपैकी 7 महिला आहेत. हातमागात ते त्याहूनही अधिक आहे. कापडाच्या व्यतिरिक्त खादीने आपल्या भारतातील महिलांना नवीन बळ दिले आहे, असे पंतप्रधान नरेंद्र मोदी म्हणाले.
भारत हा जगातील कापूस, ताग आणि रेशीम उत्पादक देशांपैकी एक आहे. लाखो शेतकरी या कामात गुंतले आहेत. आज सरकार लाखो कापूस उत्पादक शेतकऱ्यांना आधार देत असल्याचेही ते म्हणाले.
