ज्येष्ठ विचारवंत, पत्रकार व लेखक स्व. नंदकिशोर नौटियाल यांच्या ‘एक महानगर, दो गौतम’ या कादंबरीचे प्रकाशन राज्यपाल भगतसिंह कोश्यारी यांच्या हस्ते शनिवारी (दि. १५) राजभवन येथे झाले.
यावेळी माजी गृहराज्यमंत्री कृपाशंकर सिंह, ‚नवनीत‘चे संपादक विश्वनाथ सचदेव, ज्येष्ठ हिंदी साहित्यिक डॉ. सुर्यबाला, कथाकार भूपेंद्रभाई पंड्या, राजीव नौटीयाल व्यासपीठावर उपस्थित होते.
Gold Rate
19 Sept 2025
यावेळी राज्यपाल कोश्यारी म्हणाले की लेखक, साहित्यिक व कवी आपल्या लिखाणातून समाजाचे प्रतिबिंब मांडतात. स्व. नंदकिशोर नौटियाल हे एक चांगले साहित्यिक, लेखक, विचारवंत आणि पत्रकार होते. त्यांचे विचार या पुस्तकातून समाजाला प्रेरणा देतील. सध्या समाजात पुस्तक खरेदी करून ते वाचणाऱ्यांची संख्या कमी झाली आहे. त्यामुळे वाचन संस्कृती वाढविण्याची गरज आहे.
यावेळी स्व. नौटीयाल यांच्या ‘ नूतन सबेरा’ या साप्ताहिकाला राज्यपाल श्री. कोश्यारी यांनी दोन लाख रुपयांची देणगी जाहीर केली.
स्व. नौटीयाल यांच्या स्मरणार्थ यावेळी पद्मश्री अनुप जलोटा यांच्या ‘भजन संध्या’ हा गायनाचा कार्यक्रमही आयोजित करण्यात आला होता.
**
