नागपूर : शहरातील महाल परिसरात वाढत्या गुन्हेगारीमुळे कायदा-सुव्यवस्थेचा प्रश्न पुन्हा ऐरणीवर आला आहे. 17 मे रोजी झालेल्या गोळीबारातून थोडक्यात बचावलेल्या सौरभ लक्ष्मीकांत घाटे याच्यावर पुन्हा एकदा जीवघेणा हल्ला झाल्याने परिसरात खळबळ उडाली आहे. यावेळी चार हल्लेखोरांनी त्याला घेरून चाकूने सपासप वार केल्याने तो गंभीर जखमी झाला. अल्पावधीत झालेल्या दुसऱ्या हल्ल्यानंतर महाल परिसरात संभाव्य गँगवॉरच्या चर्चांना उधाण आले असून पोलिसांच्या सुरक्षा व्यवस्थेवरही प्रश्न उपस्थित होत आहेत.
मिळालेल्या माहितीनुसार, कोठी रोड, महाल येथील रहिवासी सौरभ घाटे सोमवारी दुपारी आपल्या मित्रांसोबत परिसरात फिरत होता. त्याचवेळी चार जणांनी त्याला अडवून चाकूने हल्ला केला. गंभीर जखमी झालेल्या सौरभला तातडीने रुग्णालयात दाखल करण्यात आले असून त्याच्यावर उपचार सुरू आहेत. हल्ल्यानंतर आरोपी घटनास्थळावरून पसार झाले. या प्रकरणी कोतवाली पोलिसांनी खुनाच्या प्रयत्नाचा गुन्हा दाखल करून तपास सुरू केला आहे.
यापूर्वी 17 मे रोजी रात्री सौरभ घाटेवर गोळीबार करण्यात आला होता. त्याच्या घरासमोर कारमधून आलेल्या हल्लेखोरांनी त्याला लक्ष्य केले होते. या प्रकरणात रवि महतो, गंगाभाई काकडे यांच्यासह आठ आरोपींना अटक करण्यात आली असून ते सध्या न्यायालयीन कोठडीत आहेत. मात्र, त्यानंतरही सौरभवर पुन्हा हल्ला झाल्याने पोलिसांच्या कारवाईची परिणामकारकता आणि सुरक्षा उपायांबाबत प्रश्न उपस्थित होत आहेत.
Gold Rate
July 27 ,2026 - Time 10.30Hrs
एका व्यक्तीवर अल्पावधीत दोन वेळा जीवघेणे हल्ले झाल्याने हा प्रकार केवळ वैयक्तिक वादापुरता मर्यादित नसून त्यामागे मोठी गुन्हेगारी पार्श्वभूमी असण्याची शक्यता व्यक्त केली जात आहे. पोलिस सूत्रांच्या माहितीनुसार, जुने वैर, वर्चस्वाची लढाई, अंमली पदार्थांच्या व्यवहारांशी संबंधित मतभेद तसेच गुन्हेगारी टोळ्यांतील संघर्ष या कोनातून तपास केला जात आहे.
सूत्रांनी दिलेल्या माहितीनुसार, सौरभ घाटे आणि त्याचा भाऊ प्रवीण घाटे यांची नावे यापूर्वीही काही गंभीर गुन्ह्यांमध्ये समोर आली होती. 2021 मधील एका हत्येच्या प्रकरणाशीही त्यांचा संबंध जोडला गेला होता. त्यामुळे या हल्ल्यामागे जुन्या वादांचे आणि सूडभावनेचे धागेदोरे असण्याची शक्यता पोलिस तपासत आहेत.
दरम्यान, ज्या व्यक्तीवर काही दिवसांपूर्वीच गोळीबार झाला होता आणि ज्याच्या जीवाला धोका असल्याची शक्यता होती, त्याच्या सुरक्षेसाठी पोलिसांनी कोणती खबरदारी घेतली होती, असा प्रश्न आता नागरिकांकडून उपस्थित केला जात आहे. पहिल्या घटनेनंतर प्रभावी सुरक्षा आणि देखरेख ठेवली असती तर दुसरी घटना टाळता आली असती, अशी प्रतिक्रिया स्थानिकांकडून व्यक्त होत आहे.
सध्या महाल परिसरात तणावपूर्ण शांतता असून पोलिसांकडून हल्लेखोरांचा शोध घेतला जात आहे. मात्र, या प्रकरणावर तातडीने आणि कठोर कारवाई न झाल्यास भविष्यात हा संघर्ष अधिक गंभीर स्वरूप धारण करण्याची भीती व्यक्त केली जात आहे. महालमधील घडामोडींवर आता नागरिकांसह पोलिस प्रशासनाच्याही नजरा खिळल्या आहेत.
धर्मेंद्र प्रधान के इस्तीफे से लड़ाई नहीं रुकेगी #StudentProtest #Congress #Trending #NEETScam...
Instagram पर Part Time Job के नाम पर ₹6.84 लाख की ठगी...
₹150 के लालच में चाकू से हमला! #NagpurCrime #Crime #ERickshaw #PoliceAction #CCTV...
पार्किंग विवाद ने लिया हिंसक रूप! #NagpurNews #Crime #ParkingDispute #VikasThakre #PoliceAction
रॉन्ग साइड से आई मौत! #Accident #HighwayAccident #NagpurNews #MaharashtraNews #TruckAccident #news
RSS मुख्यालय को लेकर X पर भ्रामक पोस्ट करने का आरोप #vidarbhanews...
