नागपूर: कोरोना विषाणूचा प्रादुर्भाव रोखण्यासाठी राज्यात साथ रोग प्रतिबंधक कायदा लागू करण्यात आला आला. शासनाने 13 मार्च रोजी लागू केलेल्या अधिसूचनेनुसार व जिल्हाधिकार्यांच्या आदेशानुसार आज (दिनांक 17 मार्च) रात्री आरतीनंतर कोराडी जगदंबा देवी मंदिर भाविकांना दर्शनासाठी बंद करण्यात येत आहे. शासनाच्या पुढील आदेशापर्यंत मंदिर बंद राहणार आहे.
कोरोनाचा प्रादुर्भाव रोखण्यासाठी भाविकांनी मंदिरात दर्शनासाठी गर्दी करू नये. तसेच 25 मार्चपासून सुरू होणार्या चैत्र नवरात्र महोत्सवात कोराडी मंदिरात मोठ्या प्रमाणावर होणारी भाविकांची गर्दी पाहता, तसेच राज्यात जमावबंदी कायदा लागू करण्यात आल्यामुळे श्री. महालक्ष्मी जगदंबा संस्थान कोराडी येथील कोराडी मंदिर हे पुढील आदेशापर्यंत दर्शनासाठी बंद करण्यात येत आहे.
दरम्यान या कालावधीत महालक्ष्मी जगदंबा मातेची नियमित होणारी पूजा, आरती, होम हवन करण्यात येणार आहे. कोरोना प्रतिबंधक उपाययोजना म्हणून मंदिरातील पुजारी व कर्मचारी यांना मास्क व सॅनिटायझर देण्यात आले आहेत. तसेच मंदिर परिसरात स्वच्छतेवर अधिक लक्ष देण्यात येत आहे. भाविकांनी पुढील आदेशापर्यंत दर्शनासाठी येणे टाळावे असे विश्वस्त मंडळातर्फे कळविण्यात आले आहे.
LIVE | NEWS BULLETIN NAGPUR TODAY
RTMNU के परीक्षा सिस्टम पर फिर उठे सवाल; एडमिट कार्ड में गलत...
संविधान चौक पर सीजेपी का प्रदर्शन #nagpurnews #cockroachjanatapartyprotest #latestnews #newsupdate
NAGPUR TODAY | TOP - 10 NEWS | 16 JUNE 2026 #news...
अजनी में युवक से 4 लाख अधिक की लूट.. #crime #nagpurnews #accusedarrest...
टिमकी चीमाबाई पेठ में 6 घरों में चोरी.. #crime #nagpurnews #accusedarrest #latestnews








