नागपूर : कळमना परिसरातील मिनीमाता नगरमध्ये असलेल्या रामेश्वरी लाकूड विक्री दुकानाला मध्यरात्री भीषण आग लागून मोठा हाहाकार उडाला. या आगीत लाखोंचे साहित्य जळून खाक झाले असून सुदैवाने कोणतीही जीवितहानी झाली नाही. रात्री सुमारे १ वाजता ही घटना अग्निशमन विभागाच्या निदर्शनास आली. त्यानंतर शहरातील विविध भागांतील सहा अग्निशमन केंद्रांमधून गाड्या घटनास्थळी रवाना करण्यात आल्या. कलमना, लकडगंज, वाठोडा, सिव्हिल लाईन्स, सुगत नगर आणि सक्करदरा येथील पथकांनी तातडीने आग विझवण्याचे प्रयत्न सुरू केले.
लाकडाचा मोठा साठा असल्यामुळे आग काही मिनिटांतच भडकली आणि आगीच्या उंच ज्वाळा तसेच घनदाट धुराचे लोट काही किलोमीटर अंतरावरूनही दिसत होते. त्यामुळे परिसरात भीतीचे वातावरण निर्माण झाले.
Gold Rate
Aug 27 ,2026 - Time 10.30Hrs
अग्निशमन दलासमोर सर्वात मोठे आव्हान म्हणजे आग शेजारील भागात पसरू न देणे हे होते. अथक प्रयत्नांनंतर अखेर सुमारे १२ तासांनी आगीवर नियंत्रण मिळवण्यात यश आले.
या घटनेत कोणतीही जीवितहानी झाली नसली तरी दुकानातील लाखोंचे साहित्य पूर्णपणे जळून खाक झाले आहे. आगीचे नेमके कारण अद्याप स्पष्ट झाले नसून तपास सुरू आहे.
अग्निशमन कर्मचाऱ्याची प्रतिक्रिया
घटनास्थळी कार्यरत असलेल्या अग्निशमन कर्मचाऱ्याने सांगितले की,“लाकडाचा मोठा साठा असल्यामुळे आग वेगाने पसरत होती. पाणी आणि फोमचा सातत्याने वापर करून आगीवर नियंत्रण मिळवण्यासाठी आम्हाला सलग अनेक तास मेहनत घ्यावी लागली. सुदैवाने आग आसपासच्या वस्तीपर्यंत पोहोचली नाही.”
उन्हाळ्यात शहरात वाढणाऱ्या आगीच्या घटनांच्या पार्श्वभूमीवर ही घटना गंभीर इशारा मानली जात असून सुरक्षा उपाययोजना अधिक मजबूत करण्याची गरज व्यक्त केली जात आहे.
FDA पर ज्वाला धोटे का बड़ा आरोप! “होटल वालों से होती है...
नागपुर में NCP का तिरंगा मोर्चा! #NagpurNews #NCP#TirangaMorcha #maharashtranews
मुंबई में किसान आंदोलन! ‘वर्षा’ की नीलामी की मांग #Mumbai #Protest #MaharashtraNews...
12 करोड़ का फायर सिस्टम फिर भी बंद! #WardhaNews #WardhaHospital #FireSafety #MaharashtraNews
अमित ठाकरे बोले- सेल्फी नहीं, अपनी समस्या बताओ! #NagpurNews #MNS #StudentIssues #MaharashtraNews
LIVE | NEWS BULLETIN NAGPUR TODAY
