नागपूर : शहरात माणुसकीला काळिमा फासणारी घटना घडली आहे. एका ६५ वर्षीय वृद्धाने आपल्या नातीच्या वयाच्या शेजारी राहणाऱ्या १० वर्षीय मुलीवर बलात्कार केला. दरम्यान, शेजाऱ्याची नजर त्याच्यावर पडल्याने ही धक्कादायक घटना समोर आली. त्यामुळे स्थानिक नागरिकांमध्ये संतापाची लाट उसळली. या प्रकरणी पीडितेच्या आईच्या तक्रारीच्या आधारे यशोधरानगर पोलिसांनी गुन्हा दाखल करून आरोपीला अटक केली.मोहम्मद इद्रीस शेख (वय ६५ वर्षे) असे आरोपीचे नाव आहे.
माहितीनुसार. आरोपी इद्रिस हा घरी सूत कातायचे काम करायचा. त्याला एक मुलगा आणि सूनही आहे. त्याचा मुलगा फळविक्रेता आहे. तो भाड्याने राहत असल्याने घरमालकाच्या १० वर्षांच्या मुलीशी त्याचे नेहमीच जवळीक होते. ती त्याचा नातीच्या वयाची असल्याने कोणालाही संशय आला नाही.
Gold Rate
22 Jan 2026
मंगळवारी रात्री ९.३० वाजता त्याने मुलीला फिरायला नेण्याच्या बहाण्याने गच्चीवर नेले आणि तेथे तिच्यावर बलात्कार केला. तो हे घाणेरडे कृत्य करत असताना घरातील दुसऱ्या भाडेकरूने त्याला पाहिले. दुसऱ्या भाडेकरूला पाहताच तो घाबरला आणि आरोपीने तेथून पळ काढला.
याबाबात रमालकाने मुलीला विचारणा केली असता तिने रडत आपल्यावर लैंगिक अत्याचार झाल्याचे सांगितले. पीडित मुलीच्या लकांनी यशोधरानगर पोलीस ठाणे गाठले. मुलीचा पालकांकडून यशोधरानगर पोलिसात तक्रार करण्यात आली. पोक्सो कायद्याच्या विविध कलमान्वये गुन्हा दाखल करून पोलिसांनी आरोपीला अटक केली. पोलिसांनी पुढील तपास सुरु केला आहे.
