नागपूर : नागपूरच्या प्रमुख शासकीय रुग्णालयांमध्ये कार्यरत असलेल्या सुमारे १३०० नर्सेसनी आपल्या विविध प्रलंबित मागण्यांसाठी १८ जुलैपासून बेमुदत संप पुकारला आहे. या संपामुळे मेडिकल कॉलेज, मेयो, सुपर स्पेशालिटी आणि आयुर्वेद रुग्णालयातील आरोग्य सेवा मोठ्या प्रमाणावर विस्कळीत झाली आहे.

या संपात ७५ टक्क्यांहून अधिक परिचारिका सहभागी असल्यामुळे रुग्णसेवेवर प्रत्यक्ष परिणाम होत असून, रुग्ण आणि त्यांच्या नातेवाइकांचे मोठे हाल होत आहेत. सकाळी ८ वाजल्यापासून परिचारिका कामावर अनुपस्थित राहू लागल्या असून, रुग्णालय प्रशासनावर ताण वाढला आहे.

Gold Rate

June 152026 - Time 10.30Hrs

Gold 24 KT ₹ 1 51,300 /-

Gold 22 KT ₹ 1,40,300 /-

Silver/Kg ₹ 2,51,300/-

Platinum ₹ 88,000/-

Recommended rate for Nagpur sarafa Making charges minimum 13% and above

काय आहेत परिचारिकांच्या मागण्या?
परिचारिकांनी आपल्या विविध प्रलंबित मागण्यांसाठी वारंवार शासनाकडे मागणी केली होती. यापूर्वी शासनाशी चर्चा झाली होती, मात्र ती यशस्वी न झाल्याने आता बेमुदत संपाचा निर्णय घेण्यात आला आहे. त्यांच्या प्रमुख मागण्या पुढीलप्रमाणे आहेत:

सेवा शर्तींमध्ये सुधारणा
थकित वेतनाचा वेळेवर भरणा
कायमस्वरूपी भरती प्रक्रिया
कामाच्या तासांचे नियमन
प्रमोशन आणि इतर सवलतींच्या अंमलबजावणीत स्पष्टता
रुग्णसेवेला मोठा धक्का-
या संपामुळे अत्यावश्यक सेवा आणि ओपीडीसह अनेक विभागांमध्ये सेवा ठप्प झाल्याची माहिती समोर येत आहे. अनेक रुग्णांची शस्त्रक्रियेपूर्वीची तयारी आणि औषधोपचार खोळंबले आहेत. रुग्णालय प्रशासनाने सध्या कंत्राटी नर्सेस आणि प्रशिक्षित कर्मचाऱ्यांमार्फत सेवा सुरू ठेवण्याचा प्रयत्न केला असला तरीही परिस्थिती नियंत्रणात येताना दिसत नाही.

प्रशासनाची गोंधळलेली भूमिका-
दरम्यान संप मिटवण्यासाठी सध्या प्रशासनाकडून कोणतेही ठोस पाऊल उचलण्यात आले नसल्याचे चित्र आहे. नर्सेस संघटनांनी पुन्हा चर्चा करण्याची तयारी दर्शवली असली तरी शासनाकडून प्रतिसाद मिळालेला नाही. एकंदरीत, नागपूरच्या आरोग्य व्यवस्थेवर ओढवलेले हे संकट लवकरात लवकर दूर व्हावे आणि परिचारिकांच्या मागण्यांवर तोडगा निघावा, हीच रुग्ण व त्यांच्या कुटुंबीयांची अपेक्षा आहे.