नागपूर. सोनेगाव पोलिसांनी पकडलेले क्रिकेट बुकी कुणाल सचदेव आणि हेमंत गुरुबक्षनी यांच्या विरोधात पोलिसांनी आता कलम 420 जोडले आहे. आरोपीविरुद्ध कलम 420, 465, 467, 471, 34, 12, 66 (ड) अन्वये कारवाई करण्यात आली आहे.
सोनेगाव पोलिसांना आरोपींकडे सापडलेल्या लॅपटॉपमध्ये अनेक धक्कादायक माहिती मिळाल्याचे कळते. याशिवाय त्यांच्या मोबाईलवर व्हॉट्सअ‍ॅप चॅटिंगही आढळून आले आहे. गोव्यातील काही बुकी इंडिगोच्या विमानाने येत असल्याची माहिती पीएसआय प्रमोद मोहिते यांना मिळाली होती. त्या आधारे हे दोन बुकी पोलिसांच्या जाळ्यात अडकले.
पोलिसांना पाहताच एक बुकी प्लॉट क्र. 60 हेमू कालानी चौक, आरके मोटार समोर, जरीपटका येथील रहिवासी कुणाल हरीशकुमार सचदेव हा पळू लागला मात्र तो पकडला गेला. त्याच्याकडून एकूण 65 हजार 500 रुपयांचा माल पोलिसांनी जप्त केला आहे. सचदेव याने हेमंत गुरुबक्षनीचे नाव पोलिसांना तपासदरम्यान सांगितले.
पोलिसांनी त्यालाही अटक केली. आरोपींच्या लॅपटॉप आणि मोबाईलमध्ये वेगवेगळ्या तारखांना आयपीएल सट्टेबाजीचे व्यवहार, मोबाइल रेकॉर्डिंग आदी आढळून आले. आरोपी कुणाल एसएस सिक्कीम आणि इतर अ‍ॅप्सवर वेगवेगळ्या नावाने सट्टा लावत होता. रेकॉर्डिंग मध्ये 814, 814, भाऊ 825, भैया ये खिलाड़ी बहार जायगी, 825, 825, 84 मध्ये 25 सूरज भैय्या का बॉल चालू, वाइड, 95 मध्ये आधा खाई, 296 296, 296 अशी माहिती मिळाली आहे. कुणाल सचदेव यांनी क्रिकेट लाइन गुरू, नाइस लाइन, एस सिक्कीम, शुभलाभ इत्यादी वेबसाइट्सद्वारे लोकांना सामन्यांवर सट्टा लावण्यासाठी प्रोत्साहित केले. आरोपींकडून अधिक माहिती मिळविण्याचा प्रयत्न पोलीस करत आहेत.
