Published On : Wed, Dec 18th, 2024
By Nagpur Today Nagpur News

नागपुरात एका कुटुंबाला बंधक बनवून पाच लाखांची रोकड व सोन्याचे दागिने चोरट्यांनी केले लंपास!

Advertisement

नागपूर : कपिल नगर पोलीस ठाण्याच्या हद्दीत असलेल्या खसला मसाला परिसरात राहणाऱ्या एका कुटुंबियांना बंदक बनवून पाच लाखांची रोकड व सोन्याचे दागिने चोरट्यांनी लंपास केल्याची धक्कादायक घटना घडली. आरोपींनी बंदुकीचा धाक दाखवून कुटुंबाला ओलीस ठेवले. ही घटना रात्री उशिरा पहाटे अडीचच्या सुमारास घडली. राजेश पांडे (60) यांच्या घरी ही चोरी झाल्याची माहिती आहे.

माहितीनुसार, राजेश हे एका ट्रान्सपोर्ट कंपनीत मॅनेजर म्हणून काम करतात. ते खसला मसाला परिसरात प्लॉट क्रमांक 38 मध्ये पत्नी आणि मुलीसह मसाला कॉम्प्लेक्समध्ये वास्तव्यास आहेत. रात्री अडीच वाजण्याच्या सुमारास काही चोरटे भिंतीवर चढून घरात घुसले आणि घराच्या बाल्कनीतून पहिल्या मजल्यावर पोहोचले. जिथे पांडे कुटुंब गाढ झोपले होते. आरोपींनी खिडकीचे ग्रील तोडून आत प्रवेश केला.

Gold Rate
24 July 2025
Gold 24 KT 99,500 /-
Gold 22 KT 92,500 /-
Silver/Kg 1,15,500 /-
Platinum 44,000/-
Recommended rate for Nagpur sarafa Making charges minimum 13% and above

यादरम्यान घरातच राजेश पांडे, त्याची पत्नी आणि मुलगी यांना बंदुकीच्या धाक दाखवत त्यांना बंदक बनवले. त्यानंतर आरोपींनी घरातील पाच लाखांची रोकड व सर्व सोन्याचे दागिने काढून पांडे यांना त्यांच्याच स्कॉर्पिओ गाडीत बसवले.यावेळी आरोपींनी घरातील सदस्यांचे सुमारे 6 मोबाईल सोबत नेले.

त्यानंतर आरोपींनी राजेश पांडे याला रिंगरोडच्या वाटेवर सोडले, तर आरोपींनी माजरी परिसरात बेवारस स्थितीत पांडे यांचे वाहन सोडले. कारमध्ये कुटुंबातील सहा मोबाईल फोनही होते.

त्यानंतर पोलिसांनी गाडी आणि मोबाईल जप्त केली.निघताना आरोपींनी घरात लावलेल्या सीसीटीव्ही कॅमेऱ्याचा डीव्हीआरही सोबत नेला. टिप देऊन हा प्रकार घडल्याची चर्चा आहे. पोलीस आजूबाजूच्या परिसरातील सीसीटीव्ही फुटेज तपासत आहेत.याप्रकरणी पोलिसांनी काही संशयितांना ताब्यात घेतले असून त्यांची चौकशी सुरू आहे.

Advertisement
Advertisement