Advertisement
नागपूर : शहरात सिंगड्याचे फराळ खाल्यानंतर ल्युपिन कंपनीमधील सुमारे 10 कर्मचाऱ्यांना विषबाधा झाल्याची धक्कादायक माहिती समोर आली आहे
हे फराळ खाल्यानंतर बाधितांना उलट्या आणि मळमळ होत असल्याची तक्रार झाल्याने त्यांना किंग्सवे रुग्णालयात दाखल करण्यात आले. नागपुरातील एका प्रतिष्ठित फार्मास्युटिकल आउटलेटमध्ये ही घटना घडल्याने खळबळ उडाली..
नागपूर टुडेशी बोलताना डॉ. हर्षवर्धा बोरा यांनी सांगितले की, सर्व रुग्णांनी ल्युपिन येथे नाश्त्यात ‘सिंगाडा फराळ’ खाल्ले होते. त्यानंतर त्यांना उलट्या, पोटदुखी आणि मळमळ होत असल्याची तक्रार होती. त्यांना तातडीने KIMS किंग्सवे हॉस्पिटलमध्ये दाखल करण्यात आले, जिथे त्यांना उपचार सुरू आहेत. सर्व रुग्ण देखरेखी खाली असून आता ते सर्व धोक्याबाहेर आहेत, अशी माहितीही त्यांनी दिली..
