नागपूर: कोराडीमध्ये सायबर बदमाशांनी (Cyber Fraud) एका ७३ वर्षीय माजी सैनिकाला त्याच्या स्मार्ट फोनवर अॅप डाऊनलोड करून फसवले. इतकेच नाही तर त्याच्या बँक खात्यातून ६ लाख रुपये काढून घेतल्याची धक्कादायक माहिती समोर आली आहे.
रमेश केशव बोराडकर, असे माजी सैनिकाचे नाव असून लीव्हरेज ग्रीन्स अपार्टमेंट, प्लॉट क्रमांक 38/डी, कोराडी रोड येथील रहिवासी आहेत. ते भारतीय सैन्यात कार्यरत होते. त्यानंतर ते रायपूर, छत्तीसगड येथील स्टेट बँक ऑफ इंडिया (SBI) मध्ये रुजू झाले, तेथून ते निवृत्त झाले. 14 एप्रिल रोजी माजी लष्करी कर्मचार्यांना दिल्या जाणाऱ्या आजारी वैद्यकीय भत्त्याबद्दल अधिक तपशील मिळविण्यासाठी ते इंटरनेटवर सर्च करत होते. यादरम्यान त्यांना 8102029010 हा मोबाईल क्रमांक सापडला. मोबाईल क्रमांकावर संपर्क साधला असता त्यांना प्रतिसाद मिळाला नाही. काही वेळाने त्यांना त्याच नंबरवरून फोन आला. अलाहाबाद, उत्तर प्रदेश येथील प्रधान संरक्षण लेखा नियंत्रक (PCDA) कार्यालयातील अधिकारी म्हणून स्वत:ची ओळख करून देत आरोपीने बोराडकर यांना एक अॅप डाउनलोड करण्यास सांगितले आणि लिंकवर क्लिक केल्यानंतर त्यांच्या वैयक्तिक माहितीसह सर्व तपशील भरा, असे त्या आरोपीने बोराडकर यांना सांगितले. त्यानुसार बोराडकर यांनी सर्व माहिती पाठवली आणि त्याला मिळालेला वन टाइम पासवर्ड (OTP)ही शेअर केला. लवकरच, सायबर बदमाशांनी त्याच्या SBI खात्यातून 6 लाख रुपये काढून घेतले.
Gold Rate
June 01- 2026 - Time 10.30Hrs
बोराडकर यांनी दिलेल्या तक्रारीनंतर कोराडी पोलिसांनी भारतीय दंड संहितेच्या कलम 419, 420 नुसार माहिती तंत्रज्ञान कायद्याच्या कलम 66(c), 66(d) नुसार गुन्हा नोंदवून तपास सुरू केला.
