नागपूर: शहरातील वाढत्या अवैध कारवायांवर कारवाईचा बडगा उगारत Hingna Police यांनी शुक्रवारी उशिरा रात्री मोठी कारवाई करत जुगार अड्ड्यावर छापा टाकला. कान्होली बारा-चावकी गाव रस्त्यालगतच्या मोकळ्या शेतजमिनीवर पत्त्यांवर पैसे लावून जुगार सुरू असल्याची खात्रीशीर माहिती पोलिसांना मिळाली होती.
माहितीच्या आधारे पोलिस पथकाने १६ फेब्रुवारी २०२६ रोजी रात्री सुमारे ९.५० वाजताच्या सुमारास घटनास्थळी धाड टाकली. त्यावेळी नऊ जण पत्त्यांच्या आधारे पैशांची बाजी लावत जुगार खेळताना आढळून आले. पोलिसांनी तत्काळ सर्वांना ताब्यात घेतले.
अटकेत घेतलेल्या आरोपींची नावे पुढीलप्रमाणे –
गंगाधर यशवंत शेंदरे (५६), सुनील मधुकर सावरकर (३९), गणेश विनायक सोनटक्के (३९), करण विनोद गवई (२२), रोहित सुरेश नरायणे (२१), पवन प्रफुल्ल कांगले (२२), अविनाश श्रवणजी गुर्नुळे (२६), विवेक बबनराव पाटणकर (४०) आणि गजानन बाळाजी दुधवडे (४०). कारवाईदरम्यान पोलिसांनी १२ हजार ७०० रुपयांची रोकड, पाच अँड्रॉइड मोबाईल फोन, पत्त्यांचा संच तसेच इतर जुगार साहित्य असा एकूण ६३ हजार २२५ रुपयांचा मुद्देमाल जप्त केला.
या प्रकरणी हिंगणा पोलिस स्टेशन येथे Maharashtra Prevention of Gambling Act च्या कलम १२ अंतर्गत गुन्हा दाखल करण्यात आला आहे.
ही कारवाई अतिरिक्त पोलिस आयुक्त शिवाजीराव राठोड, पोलिस उपायुक्त ऋषिकेश सिंगारेड्डी, सतीशकुमार गुरव आणि सहाय्यक पोलिस आयुक्त यांच्या मार्गदर्शनाखाली पार पडली. पुढील तपास सुरू असून, शहरातील अवैध जुगार अड्ड्यांवर पोलिसांची करडी नजर असल्याचा इशारा या कारवाईतून देण्यात आला आहे.
