नागपूर :शहरातील शासकीय दंत महाविद्यालय आणि रुग्णालयात 12 जुलै रोजी 57वा स्थापना दिवस मोठ्या उत्साहात समाज सेवेसाठी दृढ वचनबद्धतेने साजरा करण्यात आला. डॉ. हुसेन हफीजी यांच्या स्मरणार्थ एनएसएस युनिटने आयोजित केलेल्या रक्तदान शिबिराच्या उद्घाटनाने कार्यक्रमाची सुरुवात झाली. यावेळी प्रमुख पाहुणे म्हणून सहसंचालक DMER मुंबई, डॉ. विवेक पाखमोडे, माननीय अधिष्ठाता, डॉ. अभय दातारकर, डॉ. वंदना गडवे, एनएसएस प्रभारी, डॉ. प्राजक्ता, जीएमसी रक्तपेढीच्या प्रभारी यांचा सहभाग होता. कार्यक्रमाचे संचालन एनएसएस स्वयंसेवक कशक जैन यांनी केले तर अक्षदा घुगल यांनी आभार मानले.

दरम्यान कार्यक्रमाच्या यशस्वीतेसाठी डॉ.पल्लवी सोनपिंपळे, डॉ. अक्षय ढोबळे, डॉ. शुभा हेगडे, डॉ. दीपक खाडे, डॉ. विनय दत्ता आणि सर्व एनएसएस स्वयंसेवकांनी सहकार्य केले.