जम्मू-काश्मीर : पहलगाम दहशतवादी हल्ला या भीषण घटनेला आज एक वर्ष पूर्ण झाले. या निमित्ताने पंतप्रधान नरेंद्र मोदी यांनी हल्ल्यात मृत्युमुखी पडलेल्या नागरिकांना श्रद्धांजली अर्पण करत दहशतवादाविरोधात भारताची भूमिका पुन्हा स्पष्ट केली.

X वरून व्यक्त होताना मोदी म्हणाले की, “या हल्ल्यात प्राण गमावलेल्या निष्पाप नागरिकांचे बलिदान देश कधीही विसरणार नाही. त्यांच्या कुटुंबीयांच्या दुःखात संपूर्ण राष्ट्र सहभागी आहे.” त्यांनी ठाम शब्दांत सांगितले की, भारत दहशतवादासमोर कधीही झुकणार नाही आणि दहशतवाद्यांचे कटकारस्थान कधीही यशस्वी होऊ देणार नाही.

Gold Rate

June 152026 - Time 10.30Hrs

Gold 24 KT ₹ 1 51,300 /-

Gold 22 KT ₹ 1,40,300 /-

Silver/Kg ₹ 2,51,300/-

Platinum ₹ 88,000/-

Recommended rate for Nagpur sarafa Making charges minimum 13% and above

याच पार्श्वभूमीवर संरक्षण मंत्री राजनाथ सिंह यांनीही शहीदांना अभिवादन केले. त्यांनी नमूद केले की, या घटनेची जखम देशाच्या स्मरणात कायम राहील. तसेच, सीमापार दहशतवादाला भारत आता अधिक कडक आणि निर्णायक उत्तर देत असल्याचे त्यांनी स्पष्ट केले.

२२ एप्रिल २०२५ रोजी पहलगाम येथील बैसरन परिसरात दहशतवाद्यांनी पर्यटकांवर हल्ला चढवला होता. लष्करी पोशाखात आलेल्या हल्लेखोरांनी पर्यटकांची ओळख पटवून त्यांच्यावर गोळीबार केला. या अमानवी घटनेत २६ जणांचा मृत्यू झाला होता.

हल्ल्याच्या वर्षपूर्तीनिमित्त देशभरात विविध ठिकाणी श्रद्धांजली कार्यक्रमांचे आयोजन करण्यात येत असून, दहशतवादाविरोधात एकत्रितपणे लढण्याचा निर्धार पुन्हा व्यक्त केला जात आहे.