नागपूर : उन्हाळ्याच्या तोंडावर शहरात आग लागण्याच्या घटना सातत्याने वाढताना दिसत आहेत. मंगळवारी रात्री ८.३० वाजता नागपूरच्या सिव्हिल लाईन्स येथील लोकनिर्माण विभागाच्या क्र. ३ कार्यालयाच्या मागील सरकारी गोदामात अचानक आग लागली. गोदामात महाराष्ट्र सरकारच्या विविध विभागांचा मौल्यवान माल साठवलेला होता.

या घटनेची माहिती उपविभागीय अभियंता संजय उपाध्ये यांना मिळताच त्यांनी तात्काळ नागपूर महानगरपालिकेच्या अभियंता लीना उपाध्ये यांच्याशी संपर्क साधला. यानंतर महापालिकेच्या अग्निशमन विभागाला सतर्क करण्यात आले. अवघ्या काही मिनिटांत दोन अग्निशमन गाड्या घटनास्थळी दाखल झाल्या.

Gold Rate

Aug 27 ,2026 - Time 10.30Hrs

Gold 24 KT ₹ 1 60,000 /-

Gold 22 KT ₹ 1,48,500 /-

Silver/Kg ₹ 2,41,500/-

Platinum ₹ 88,000/-

Recommended rate for Nagpur sarafa Making charges minimum 13% and above

आग मोठ्या प्रमाणात पसरलेली असल्यामुळे गोदामाच्या आत प्रवेश करणे कठीण होते. त्यामुळे गोदामाची भिंत तोडणे आवश्यक होते. लीना उपाध्ये यांनी त्वरित महापालिकेचा बुलडोझर मागवून भिंत पाडली आणि अग्निशमन कर्मचाऱ्यांनी आत प्रवेश करून आग आटोक्यात आणली.

सदर गोदामात विविध विभागांचा कोट्यवधी रुपयांचा महत्त्वाचा माल आणि स्क्रॅप ठेवलेला होता. आगीनं मोठ्या नुकसानाची शक्यता होती, मात्र संजय उपाध्ये यांची सजगता आणि महापालिका तसेच अग्निशमन विभागाच्या वेळीच केलेल्या कारवाईमुळे सरकारला होणारे मोठे नुकसान टळले.