नागपूर : शिवाजीनगर भागातील ‘Raasta’ पब पुन्हा एकदा वादाच्या भोवऱ्यात सापडला आहे. गेल्या आठवड्यात रात्री उशिरा या पबमध्ये दोन गटांमध्ये टेबलवरून वाद झाला आणि पाहता पाहता तो वाद जोरदार मारामारीत रुपांतरित झाला. ही घटना रात्री सुमारे ११ वाजता घडल्याची माहिती आहे. या घटनेमुळे पबमध्ये अफरातफरीचे वातावरण निर्माण झाले. सध्या या मारामारीचा सीसीटीव्ही व्हिडीओ जोरदार व्हायरल होत आहे.
स्थानिक नागरिकांच्या मते, या पबमध्ये वारंवार नियमांचं उल्लंघन केलं जात आहे. नाबालिगांना विनाअडथळा प्रवेश दिला जातो, तसेच रूफटॉपवर खुलेआम मद्यपान केलं जातं. येत्या शनिवारच्या ‘सिंधी कार्निव्हल फेस्टिव्हल’मध्ये मोठ्या प्रमाणावर नाबालिगांची उपस्थिती राहण्याची शक्यता वर्तवली जात आहे, त्यामुळे पालकांमध्ये चिंता वाढली आहे.
हेच नव्हे, तर या इमारतीत ‘Raasta’ पब व्यतिरिक्त आणखी दोन क्लब सुरू असल्याचंही नागरिकांनी सांगितलं. त्यामुळे परिसरातील पार्किंग व्यवस्था पूर्णपणे कोलमडली आहे. वाहनांची अवैध पार्किंग आणि सततचा ट्रॅफिक जाम यामुळे स्थानिक रहिवासी त्रस्त आहेत.
नागरिकांनी प्रशासनाकडे मागणी केली आहे की, नाबालिगांना क्लब आणि मद्यविक्रय स्थळांमध्ये प्रवेशास बंदी घालावी. तसेच, पार्किंग व सुरक्षेच्या दृष्टीने कडक नियम लागू करावेत. स्थानिकांचा इशारा आहे की, वेळेत कठोर पावले उचलली नाहीत, तर परिस्थिती अधिक गंभीर होऊ शकते.
