आशीनगर, धंतोली व हनुमान नगर झोनचा पाणीपुरवठा राहणार बाधित
नागपूर: महादुला येथील पंपिंग हाऊस परिसरात स्थित १४००मिमी व्यासाच्या पहिल्या टप्प्याच्या जलवाहिनीच्या जोडणीत मोठी गळती सुरु झालेली आहे.
Gold Rate
Sept 17,2026 - Time 10.30Hrs
मनपा-OCW यांनी या गळतीच्या दुरुस्तीचे काम १५ जानेवारीच्या मध्यरात्रीपासुनच युद्धपातळीवर हाती घेतले आहे. गळती शोधण्याच्या कामावर कर्मचारी रुजू झालेले आहेत.
मात्र, तातडीचा उपाय म्हणून मनपा-OCW यांनी १६ जानेवारी २०१९ रोजी पहाटे ४ वाजतापासून नवेगाव-खैरी पंपिंग स्टेशन येथून पंपिंग पूर्णपणे बंद केले आहे. यामुळे पेंच ४ जलशुद्धीकरण केंद्र, गोधनी येथूनदेखील पंपिंग बंद झाले आहे.
या इमर्जन्सी ब्रेकडाऊनमुळे आशीनगर, धंतोली व हनुमान नगर झोनमधील भागांचा पाणीपुरवठा बाधित राहण्याची शक्यता आहे.
बाधित भागांना पुढील ४८ तास मर्यादित व कमी दाबाने पाणीपुरवठा होईल.
महादुला येथील दुरुस्तीच्या कामांना आणखी काही तासांचा अवधी लागणार असून १६ जानेवारीच्या सायंकाळपर्यंत हे काम पूर्ण होऊ शकते.
