नागपूर: महाराष्ट्र राज्य वीज वितरण कंपनी लिमिटेड (महावितरण) आणि लष्करीबाग उपविभागाच्या उड्डाण पथकाने संयुक्तपणे मोहीम राबवून सात औद्योगिक ग्राहकांकडून 52.55 लाख रुपयांची वीजचोरी उघडकीस आणली. त्यानंतर चार औद्योगिक ग्राहकांनी सेटलमेंट म्हणून 10.60 लाख रुपये दिल्याची माहिती आहे.

नागपूर शहर व नागपूर ग्रामीण विभागाचे उड्डाण पथक आणि महावितरणच्या लष्करीबाग उपविभागातील अभियंते व कर्मचाऱ्यांनी केलेल्या या संयुक्त कारवाईत नारी व परिसरातील सात ग्राहकांकडून तब्बल 3.14 लाख युनिट वीजचोरी जप्त करण्यात आली. या चोरीची अंदाजे किंमत सुमारे 52.55 लाख रुपये असून या सात ग्राहकांविरुद्ध भारतीय विद्युत कायदा कलम 135 अन्वये गुन्हा दाखल करण्यात आला आहे. या सातपैकी सहा प्रकरणांमध्ये दुसऱ्या ग्राहकाकडून येणार्‍या केबलला टॅप करून मीटरला बायपास करण्यात आले. तर एका प्रकरणात रिमोट कंट्रोलच्या सहाय्याने वीज ट्रीप होत असल्याचे निदर्शनास आले.

Gold Rate

Aug 25 ,2026 - Time 10.30Hrs

Gold 24 KT ₹ 1 62,100 /-

Gold 22 KT ₹ 1,50,400 /-

Silver/Kg ₹ 2,42,200/-

Platinum ₹ 88,000/-

Recommended rate for Nagpur sarafa Making charges minimum 13% and above

या सातही वीज ग्राहकांकडून 52.55 लाख रुपये अधिक 20.90 लाख रुपये वीजचोरीसाठी दंड वसूल करण्यात आला, त्यापैकी चार ग्राहकांनी वीजचोरीसाठी 18.25 लाख रुपये आणि थकबाकीची पूर्तता म्हणून 10.60 लाख रुपये भरले.

दरम्यान ही मोहीम महावितरणचे प्रादेशिक संचालक सुहास रंगारी, मुख्य अभियंता दिलीप दोडके, अधीक्षक अभियंता अमित परांजपे, उपसंचालक (सुरक्षा व अंमलबजावणी) सुनील थापेकर, कार्यकारी अभियंता राजेश घाटोळे आणि अतिरिक्त कार्यकारी अभियंता हेमेंद्र गौर, श्रीकांत तळेगावकर यांच्या मार्गदर्शनाखाली पार पडली.