Published On : Mon, Nov 4th, 2019

मद्यवाहतूक करणाऱ्यास चारचाकीसह अटक

उत्पादन शुल्क विभागाची कारवाई

नागपूर: : विदर्भातील गडचिरोली, चंद्रपूर व वर्धा या जिल्ह्यात मद्य विक्रीस बंदी असून, राज्य उत्पादन शुल्क विभागाने केलेल्या कार्यवाहीत 4 लाख 83 हजार रुपयांचा मुद्देमाल जप्त करण्यात आला आहे.

वाहनचालक कांतीलाल नत्थुजी डोंगरवार, गोठणगांव याच्या ताब्यातील चारचाकी वाहनातून देशी व विदेशी मद्याच्या 32 पेट्या जप्त करण्यात आल्या असून, त्याच्याविरुद्ध महाराष्ट्र दारुबंदी कायदा चे कलम 65 (ए), (ई), 81 व 83 अन्वये गुन्हा नोंदविण्यात आला आहे.

ही कारवाई विभागीय उप-आयुक्त मोहन वर्दे यांच्या मार्गदर्शनाखाली उपनिरीक्षक विशाल कोल्हे, धनराज राऊत, जवान प्रकाश मानकर, अंकुश भोकरे, प्रशांत घावळे व विनोद डुंबरे यांनी केली.