मुंबई: मुख्यमंत्री देवेंद्र फडणवीस यांच्या अध्यक्षतेखाली आणि केंद्रीय नागरी विमान वाहतूक राज्यमंत्री मुरलीधर मोहोळ यांच्या उपस्थितीत महाराष्ट्रातील विमानतळांबाबत आढावा बैठक झाली. या बैठकीत मुख्यमंत्री देवेंद्र फडणवीस यांनी नवी मुंबई आंतरराष्ट्रीय विमानतळ तसेच नागपूर आणि शिर्डी विमानतळाचे काम गतीने करण्याचे निर्देश दिले.
मुख्यमंत्री म्हणाले की, केंद्र सरकार आणि राज्य सरकारने विमानतळांसाठी आवश्यक पायाभूत सुविधा निर्माण करणे अत्यंत गरजेचे आहे. देश 5 ट्रिलियन डॉलरच्या अर्थव्यवस्थेकडे वाटचाल करत असताना, विमान वाहतूक हे सर्वात वेगाने वाढणारे क्षेत्र महत्त्वाचे आहे.
Gold Rate
25 April 2025
त्यामुळे नागरी विमान वाहतूक क्षेत्राचा वाढता विस्तार पाहता पायाभूत सुविधांचा विस्तार करावा लागणार असल्याचे फडणवीस म्हणाले.
नवी मुंबई आंतरराष्ट्रीय विमानतळाच्या कामाला गती देण्यासाठी आधुनिक तंत्रज्ञानाचा वापर करून नागपूर आणि शिर्डी विमानतळाचे प्रलंबित प्रश्न ३१ मार्चपर्यंत सोडवा, अशा अनेक सूचना मुख्यमंत्र्यांनी बैठकीत दिल्या. यासोबतच आशियातील सर्वात मोठी फ्लाइट ॲकॅडमी एअर इंडिया अमरावती येथे सुरू करण्याबाबत मुख्यमंत्री फडणवीस यांच्यासोबत चर्चा करण्यात आली आहे.
