Advertisement
नागपूर – नागपूरातील झांसी राणी चौक येथील एका पेट्रोल पंपावर दोन युवतींमध्ये झालेल्या हाणामारीची घटना समोर आली असून, किरकोळ वादाने अचानक हिंसक वळण घेतल्याने परिसरात एकच गोंधळ उडाला.
मिळालेल्या माहितीनुसार, पेट्रोल पंपावर काही क्षुल्लक कारणावरून दोन्ही युवतींमध्ये वाद सुरू झाला. सुरुवातीला केवळ शाब्दिक चकमकीपुरता मर्यादित असलेला हा वाद काही क्षणांतच हातघाईवर आला. संतापाच्या भरात दोघींनी एकमेकींवर हल्ला करत मारहाण केली.
View this post on InstagramAdvertisement
या घटनेमुळे पेट्रोल पंप परिसरात अफरातफरीचे वातावरण निर्माण झाले. घटनास्थळी उपस्थित नागरिकांनी मोठी गर्दी केली होती. काहींनी मध्यस्थी करत दोघींना वेगळे करण्याचा प्रयत्न केला.
दरम्यान, या घटनेचा व्हिडिओ सोशल मीडियावर व्हायरल होत असल्याची चर्चा असून, याबाबत पोलिसांना माहिती देण्यात आली आहे. पोलिसांकडून पुढील तपास सुरू आहे.
Advertisement
