नवी दिल्ली – दिल्लीच्या प्रसिद्ध लाल किल्ला परिसरात सोमवारी सायंकाळी साडेसहा वाजताच्या सुमारास एक वाहनात जोरदार स्फोट झाला. या भीषण स्फोटामुळे जवळपासच्या इमारतींच्या काच फाटल्या, तर स्फोटाच्या जागेवर असलेल्या दोन वाहनांना आग लागल्याची माहिती आहे. या घटनेत कमीत कमी एका व्यक्तीचा मृत्यू झाल्याचे प्राथमिक वृत्त मिळाले आहे.
स्फोटामुळे परिसरात मोठा गोंधळ आणि घबराट पसरली असून नागरिकांमध्ये भयाचं वातावरण निर्माण झालं आहे. स्फोट झालेलं वाहन लाल किल्ला परिसरातील मेट्रो स्टेशनच्या पहिल्या दरवाजाजवळ उभं होतं. घटना उघड होताच पोलिस आणि अग्निशमन दल तत्परतेने घटनास्थळी दाखल झाले. अग्निशमन दलाने तातडीने आग विझविण्याचे काम सुरू केले आहे, तर बॉम्ब पथकही घटनास्थळी तपासणीसाठी पोहोचले आहेत.
Gold Rate
May 09- 2026 - Time 10.30Hrs
आत्तापर्यंत स्फोटाचे नेमके कारण समजू शकलेले नाही. या प्रकरणात दहशतवाद किंवा कोणताही अन्य घातक घटक आहे का, याचा तपास सुरक्षा यंत्रणा करत आहेत. पोलिस तपास पुढे चालू असून, लवकरच अधिक माहिती मिळेल अशी अपेक्षा आहे.
दिल्ली पोलिसांनी नागरिकांना शांती राखण्याचे आवाहन केले आहे आणि प्रकरणाच्या चौकशीसाठी कार्यरत असल्याचे सांगितले आहे.
