नागपूर : शहरातील सिव्हिल लाईन्स परिसरातील प्रेस क्लब चौकात काल उशिरा रात्री भीषण अपघात घडला. एका पोलिस व्हॅनने अचानक नियंत्रण गमावल्याने सिग्नलवर उभ्या असलेल्या अनेक वाहनांना जोरदार धडक दिली. या घटनेनंतर परिसरात एकच गोंधळ उडाला असून वाहतुकीवर मोठा परिणाम झाला.
प्रत्यक्षदर्शींच्या माहितीनुसार, संबंधित व्हॅन वेगात होती आणि चालकाचे वाहनावरील नियंत्रण सुटल्याने एकामागून एक अनेक वाहनांना धडक बसली. या अपघातात अनेक वाहनांचे मोठे नुकसान झाले आहे. सुदैवाने, आतापर्यंत कोणतीही जीवितहानी किंवा गंभीर जखमींची नोंद झालेली नाही.
Gold Rate
May 02- 2026 - Time 10.30Hrs
अपघाताचे नेमके कारण अद्याप स्पष्ट झालेले नाही. चालकाची निष्काळजीपणा की वाहनातील तांत्रिक बिघाड यामुळे हा प्रकार घडला, याचा तपास सुरू आहे. घटनेनंतर पोलिस आणि प्रशासनाच्या पथकांनी तत्काळ घटनास्थळी धाव घेतली व वाहतूक सुरळीत करण्याचे काम हाती घेतले.
या घटनेमुळे शहरातील सुरक्षा व्यवस्था आणि सरकारी वाहनांच्या फिटनेसबाबत प्रश्नचिन्ह निर्माण झाले आहे. पोलिसांकडून पुढील तपास सुरू आहे.
