नागपूर : सदर पोलीस ठाणे हद्दीत आयपीएल सामन्यादरम्यान सुरू असलेल्या ऑनलाइन सट्टेबाजीच्या मोठ्या रॅकेटचा क्राइम ब्रांचने पर्दाफाश केला आहे. मंगळवारी परिसरात छापा टाकत सात आरोपींना अटक करण्यात आली.

मुंबई इंडियन्स आणि चेन्नई सुपर किंग्स यांच्यात सुरू असलेल्या सामन्यावर सट्टा लावला जात असल्याची गुप्त माहिती पोलिसांना मिळाली होती. त्यानुसार कारवाई करण्यात आली. तपासात छत्तीसगडमधील बुकी नागपूरमध्ये फ्लॅट भाड्याने घेऊन सट्टेबाजी चालवत असल्याचे समोर आले. या रॅकेटमध्ये नागपूर, जबलपूर आणि गोंदिया येथील काही लोकांचाही सहभाग असल्याची माहिती आहे.

Gold Rate

June 22 ,2026 - Time 10.30Hrs

Gold 24 KT ₹ 1 46,500 /-

Gold 22 KT ₹ 1,36,000 /-

Silver/Kg ₹ 2,29,300/-

Platinum ₹ 88,000/-

Recommended rate for Nagpur sarafa Making charges minimum 13% and above

आरोपी ऑनलाइन प्लॅटफॉर्मच्या माध्यमातून क्रिकेट सामन्यांवर बेटिंग घेत होते. पोलिसांनी घटनास्थळावरून इलेक्ट्रॉनिक उपकरणांसह सुमारे 2 लाख रुपयांचा मुद्देमाल जप्त केला आहे.

या प्रकरणात हर्षल देवघरे, अभय सिंह ठाकूर, प्रभात पाठराबे, मोवेश सैय्यद, अब्दुल लतीफ खान, हमीद रजा आणि अब्दुल तनवीस यांना अटक करण्यात आली आहे. शुक्रवारी सर्व आरोपींना न्यायालयात हजर केले असता, त्यांना 5 दिवसांची पोलीस कोठडी सुनावण्यात आली आहे. सध्या पोलीस या प्रकरणाचा अधिक तपास करत आहेत.