नागपूर : ४ फेब्रुवारी रोजी साजऱ्या करण्यात येणाऱ्या विश्व कर्करोग दिनानिमित्त नागपुरात रक्तकर्करोगाबाबत जागरूकता वाढविण्यासाठी विशेष पत्रकार परिषद घेण्यात आली. कर्करोगाचे वाढते प्रमाण, वेळेत निदानाचे महत्त्व आणि प्रतिबंधात्मक उपाय याविषयी या वेळी सविस्तर माहिती देण्यात आली.
यावर्षी (२०२५-२०२७) विश्व कर्करोग दिनाची थीम “युनायटेड बाय युनिक” अशी असून, कर्करोग उपचार प्रक्रियेत प्रत्येक रुग्णाच्या वेगळ्या अनुभवाला महत्त्व देण्याचा संदेश यातून दिला जात आहे. प्रत्येकाची आजाराशी लढण्याची कहाणी वेगळी असली तरी समाज म्हणून आपण सर्वजण एकत्र आहोत, ही भावना या संकल्पनेतून अधोरेखित करण्यात आली आहे.
Gold Rate
Aug 27 ,2026 - Time 10.30Hrs
नागपूर येथील छत्तानी हेमॅटोलॉजी क्लिनिकचे क्लिनिकल हेमॅटोलॉजिस्ट डॉ. कुणाल छत्तानी यांनी माध्यमांशी बोलताना सांगितले की, कर्करोग हा आज जगभरातील मोठा आरोग्यविषयक धोका ठरला आहे. दरवर्षी जागतिक स्तरावर सुमारे २ कोटी नवीन रुग्णांची नोंद होते, तर १ कोटीपेक्षा जास्त लोकांचा मृत्यू या आजारामुळे होतो. आवश्यक ती काळजी आणि प्रतिबंधात्मक उपाय न केल्यास आगामी काळात ही संख्या आणखी वाढू शकते, अशी चिंता त्यांनी व्यक्त केली.
भारतामध्येही दरवर्षी १५ लाखांहून अधिक नवीन कर्करोग रुग्ण आढळत असल्याचे त्यांनी नमूद केले. बदलती जीवनशैली, ताणतणाव आणि पर्यावरणीय घटकांमुळे या आजाराचे प्रमाण वाढत असल्याचे त्यांनी सांगितले.
वेळेत निदान आणि योग्य उपचार मिळाल्यास कर्करोगावर प्रभावी मात करता येऊ शकते, असे स्पष्ट करताना डॉ. छत्तानी यांनी नागरिकांना काही लक्षणांकडे विशेष लक्ष देण्याचे आवाहन केले. विनाकारण वजन घटणे, शरीरावर गाठ निर्माण होणे, असामान्य रक्तस्राव, दीर्घकाळ टिकणारा खोकला, न भरून येणाऱ्या जखमा किंवा सतत वेदना ही लक्षणे दुर्लक्षित करू नयेत, असे त्यांनी सांगितले.
“कर्करोग म्हणजे शेवट नाही,” असे ठामपणे सांगत त्यांनी आधुनिक वैद्यकीय तंत्रज्ञान आणि उपचार पद्धतींमुळे अनेक प्रकारचे कर्करोग नियंत्रणात आणणे शक्य झाले असल्याचे नमूद केले. योग्य वेळी तपासणी व उपचार घेतल्यास रुग्ण पूर्णपणे बरे होऊ शकतात, असा विश्वास त्यांनी व्यक्त केला.
या पत्रकार परिषदेमुळे विश्व कर्करोग दिनाचा संदेश अधिक व्यापक पातळीवर पोहोचला असून, सर्वांसाठी सुलभ आणि रुग्णाभिमुख आरोग्यसेवा उभारण्याची गरज अधोरेखित करण्यात आली.
FDA पर ज्वाला धोटे का बड़ा आरोप! “होटल वालों से होती है...
नागपुर में NCP का तिरंगा मोर्चा! #NagpurNews #NCP#TirangaMorcha #maharashtranews
मुंबई में किसान आंदोलन! ‘वर्षा’ की नीलामी की मांग #Mumbai #Protest #MaharashtraNews...
12 करोड़ का फायर सिस्टम फिर भी बंद! #WardhaNews #WardhaHospital #FireSafety #MaharashtraNews
अमित ठाकरे बोले- सेल्फी नहीं, अपनी समस्या बताओ! #NagpurNews #MNS #StudentIssues #MaharashtraNews
LIVE | NEWS BULLETIN NAGPUR TODAY
