नागपूर – कन्हान–तारसा फाटा (NH-44)कन्हानहून तारसाकडे जाणाऱ्या राष्ट्रीय महामार्गावरील चौकात आज सकाळी झालेल्या भीषण अपघातात एका वृद्ध पादचाऱ्याचा जागीच मृत्यू झाला. वेगात येणाऱ्या ट्रेलरने त्यांना चिरडत पुढे गेल्यानंतर परिसरात काही क्षणातच खळबळ उडाली. उपस्थित नागरिकांमध्ये भीती, संताप आणि तणावाचे वातावरण निर्माण झाले.

अपघातानंतर मोठी गर्दी चौकात जमा झाली. स्थानिक रहिवाशांनी पोलिस प्रशासनावर गंभीर लापरवाहीचा आरोप करत जोरदार नाराजी व्यक्त केली. जिल्हा प्रशासनाने काही महिन्यांपूर्वीच या चौकातून भारी वाहनांच्या वाहतुकीवर निर्बंध आणत स्पष्ट निर्देश दिले होते. मात्र, प्रत्यक्षात हे आदेश पाळले जात नसल्याचे आजच्या घटनेने समोर आले.

Gold Rate

June 27 ,2026 - Time 10.30Hrs

Gold 24 KT ₹ 1 43,800 /-

Gold 22 KT ₹ 1,33,400 /-

Silver/Kg ₹ 2,24,300/-

Platinum ₹ 88,000/-

Recommended rate for Nagpur sarafa Making charges minimum 13% and above

या चौकात यापूर्वीही अनेक अपघात झाले असून सुरक्षिततेसाठी अनेकदा मागण्या करण्यात आल्या होत्या. नियमित पोलिस तैनाती, वाहतूक नियंत्रण आणि सिग्नल यंत्रणा उभारण्याची गरज वारंवार अधोरेखित केली जात आहे. पण उपाययोजना न झाल्याने NH-44 वरील हा चौक मृत्यूचा सापळाच ठरत असल्याची भावना स्थानिकांमध्ये आहे.

आजच्या दुर्घटनेने प्रशासनाच्या सुरक्षाव्यवस्थेतील त्रुटी पुन्हा एकदा उघड केल्या आहेत. नागरिकांनी तत्काळ कडक नियम अंमलात आणून चौकात कायमस्वरूपी शिस्तबद्ध वाहतूक व्यवस्था तयार करण्याची मागणी जोरात केली आहे.