नागपूर : शहरातील टॅक्सी चालकांनी आपल्या प्रलंबित मागण्यांसाठी आंदोलन तीव्र करण्याचा इशारा दिला आहे. नागपूर टॅक्सी वाहन चालक-मालक संयुक्त कृती समितीच्या वतीने सोमवारी घेतलेल्या पत्रकार परिषदेत प्रशासनाला कडक इशारा देण्यात आला.

संघटनेचे पदाधिकारी दीपक साने यांनी सांगितले की, शहरात सध्या रॅपिडो, ओला आणि उबर या सेवांअंतर्गत दुचाकी प्रवासी वाहतूक मोठ्या प्रमाणावर सुरू आहे. यामुळे पारंपरिक टॅक्सी चालकांच्या उत्पन्नावर गंभीर परिणाम होत आहे.

Gold Rate

June 12 2026 - Time 10.30Hrs

Gold 24 KT ₹ 1 48,200 /-

Gold 22 KT ₹ 1,37,400 /-

Silver/Kg ₹ 2,41,300/-

Platinum ₹ 88,000/-

Recommended rate for Nagpur sarafa Making charges minimum 13% and above

या पार्श्वभूमीवर रॅपिडो ही सेवा तत्काळ बंद करावी तसेच उबरमधील दुचाकी प्रवासी सेवा देखील थांबवावी, अशी मागणी त्यांनी केली आहे.
दरम्यान, टॅक्सी चालकांनी सध्या डॉ. बाबासाहेब आंबेडकर आंतरराष्ट्रीय विमानतळ येथून आपली सेवा बंद ठेवली असून, लवकरच संपूर्ण शहरात टॅक्सी सेवा ठप्प करण्याचा इशारा दिला आहे.

याशिवाय, प्रादेशिक परिवहन कार्यालयाच्या नियमांनुसार सर्व सेवा चालवाव्यात तसेच २०२५ च्या मोटार वाहन एकत्रित सेवा मार्गदर्शक सूचनांनुसार प्रत्येक चालकाला विमा संरक्षण देण्यात यावे, अशीही मागणी करण्यात आली आहे.

मागण्या तातडीने मान्य न झाल्यास नागपूरात टॅक्सी सेवा पूर्णपणे बंद करून आंदोलन तीव्र करण्यात येईल, असा इशारा संघटनेने दिला आहे.