नागपूर : नागपूर महानगरपालिकेच्या उपद्रव शोध पथकाने सोमवारी (ता. २६ एप्रिल) रोजी १६ दूकाने/प्रतिष्ठानांवर कारवाई करुन रु. १,२५,००० चा दंड वसूल केला. मनपाने लक्की चिकन शॉप, उदयनगर चौक, मानेवाडा तसेच रजा किराणा स्टोअर्स, ताजबाग, उमरेड रोड सील केले आहेत.

पथकाने ५७ प्रतिष्ठाने व मंगल कार्यालयांची तपासणी केली. मनपा आयुक्त राधाकृष्णन बी. यांच्या निर्देशानुसार उपद्रव शोध पथक प्रमुख वीरसेन तांबे यांच्या मार्गदर्शनाखाली झोन शोध पथकांद्वारे ही कामगिरी पार पाडण्यात आली.