नागपूर – शहरातील अंमली पदार्थांच्या जाळ्यावर निर्णायक घाव घालत क्राइम ब्रांचच्या एनडीपीएस युनिटने ‘ऑपरेशन थंडर’ मोहिमेत आणखी एक मोठा यश मिळवला आहे. मुंबईहून एमडी ड्रग्सची खेप घेऊन नागपूरात प्रवेश करणाऱ्या तस्करांना पोलिसांनी रात्री उशिरा सापळ्यात पकडले. या छाप्यात तीन आरोपी जेरबंद झाले असून त्यांचा एक साथीदार अजूनही फरारी आहे.
गुप्त सूत्रांकडून माहिती मिळताच पथकाने कपिल नगर परिसरातील कामगार नगर, गौसिया मशिदीजवळील कबाड दुकान भागात छापा टाकला. येथे समीर अमर सगीर अहमद, त्याचा भाऊ इमरान उर्फ पचपन अहमद, आणि आकाश सैयाम हे तिघेही एमडीची खेप घेऊन उभे असताना पोलिसांच्या तावडीत अडकले.
Gold Rate
Aug 27 ,2026 - Time 10.30Hrs
कारवाईदरम्यान पथकाला 85 ग्रॅम एमडी पावडर, चार मोबाईल फोन, ₹2.55 लाख रोख, तसेच एक आलिशान कार आणि मोटारसायकल असा मिळून सुमारे ₹12.71 लाखांचा माल जप्त करण्यात आला.
तपासात उघड झाले की तिघेही मुंबईतील एका पुरवठादाराकडून एमडी ड्रग्स घेऊन नागपूरात येत होते. या व्यवहारात त्यांना मदत करणारा सोनू सत्तार शेख हा साथीदार अंधाराचा फायदा घेऊन फरार झाला आहे. ड्रग्स शहरात वितरित करण्यापूर्वीच पोलिसांनी कारवाई करत संपूर्ण टोळीला धक्का दिला.
गुन्ह्यांच्या पार्श्वभूमीबद्दल बोलायचे तर मुख्य आरोपी समीर सगीर याच्यावर खून, खुनाचा प्रयत्न, दरोडा, गोवंश तस्करी आणि एनडीपीएससह तब्बल 16 गुन्हे दाखल असल्याचे समोर आले आहे. त्याचा भाऊ इमरान याच्यावरही मारहाण व गोंधळ घालण्याचे गुन्हे नोंद आहेत.
एनडीपीएस कायद्यानुसार गुन्हा दाखल करून पुढील तपास सुरू आहे. फरार सोनू शेख आणि मुंबईतील ड्रग सप्लायरचा शोध घेण्यासाठी विशेष पथक तैनात केले आहे.
FDA पर ज्वाला धोटे का बड़ा आरोप! “होटल वालों से होती है...
नागपुर में NCP का तिरंगा मोर्चा! #NagpurNews #NCP#TirangaMorcha #maharashtranews
मुंबई में किसान आंदोलन! ‘वर्षा’ की नीलामी की मांग #Mumbai #Protest #MaharashtraNews...
12 करोड़ का फायर सिस्टम फिर भी बंद! #WardhaNews #WardhaHospital #FireSafety #MaharashtraNews
अमित ठाकरे बोले- सेल्फी नहीं, अपनी समस्या बताओ! #NagpurNews #MNS #StudentIssues #MaharashtraNews
LIVE | NEWS BULLETIN NAGPUR TODAY
