नागपूर : शहरात सुरू असलेल्या ‘ऑपरेशन थंडर’ अंतर्गत नागपूर क्राईम ब्रँचने पारडी परिसरात मोठी कारवाई करत बंदी असलेला सुगंधी तंबाखू व पानमसाल्याचा साठा जप्त केला. या प्रकरणी 62 वर्षीय माधुकर महादेवराव मनकर याला अटक करण्यात आली आहे.

पोलीस आयुक्त रविंदर कुमार सिंगल यांच्या आदेशानुसार शहरभर नशिल्या पदार्थांवर आणि प्रतिबंधित वस्तूंच्या विक्रीवर कारवाई सुरू आहे. त्याच पार्श्वभूमीवर 29 एप्रिल 2026 रोजी सायंकाळी 4 वाजण्याच्या सुमारास क्राईम ब्रँच पथकाला पारडी परिसरात बंदी असलेला तंबाखू साठा असल्याची गुप्त माहिती मिळाली.

Gold Rate

Aug 25 ,2026 - Time 10.30Hrs

Gold 24 KT ₹ 1 62,100 /-

Gold 22 KT ₹ 1,50,400 /-

Silver/Kg ₹ 2,42,200/-

Platinum ₹ 88,000/-

Recommended rate for Nagpur sarafa Making charges minimum 13% and above

या माहितीच्या आधारे पोलीस आणि अन्न सुरक्षा अधिकाऱ्यांनी संयुक्तपणे पारडी येथील प्लॉट क्रमांक 612 वर छापा टाकला. छाप्यात आरोपीच्या घरातून विविध कंपन्यांचे बंदी असलेले तंबाखू व पानमसाल्याचे मोठ्या प्रमाणात पॅकेट्स आढळून आले.

जप्त करण्यात आलेल्या साठ्यात ‘रिमझिम नं.1’, ‘पान पराग’, ‘राजनिगंधा’, ‘रत्ना छाप’, ‘पान बहार’, ‘डायरेक्टर’, ‘विमल’ आणि ‘V1’ या ब्रँड्सचा समावेश आहे. याशिवाय खर्रा बनवण्याचे मशीनही पोलिसांनी जप्त केले आहे. एकूण जप्त मालाची किंमत सुमारे 26,678 रुपये इतकी आहे.

या प्रकरणी अन्न सुरक्षा अधिकारी रविना बाबन नागले यांच्या तक्रारीवरून पारडी पोलीस ठाण्यात भारतीय न्याय संहिता तसेच अन्न सुरक्षा आणि मानके कायदा 2006 अंतर्गत गुन्हा दाखल करण्यात आला असून आरोपीला अटक करण्यात आली आहे.

नागपूर पोलिसांनी स्पष्ट केले की, शहरात सुरू असलेली ही विशेष मोहीम पुढेही सुरू राहणार असून प्रतिबंधित तंबाखू, नशिले पदार्थ आणि बेकायदेशीर व्यापाराविरोधात कठोर कारवाई केली जाणार आहे.