नागपूर : मानेवाडा रिंगरोड येथील उदय नगर चौकात रविवारी पहाटे भरधाव ट्रकने दुचाकीला धडक दिल्याने मोठा अपघात घडला. या अपघातात एका जणांचा मृत्यू झाला असून एक जण गंभीर जखमी झाले आहे.
कैलास भादुजी चवरे (६५, रा. अर्णव अपार्टमेंट, विठ्ठल नगर) असे मृताचे नाव आहे. रामेश्वर किसन देवतळे (56, रा. प्लॉट क्रमांक 3, श्रीराम नगर, उदय नगर) असे जखमीचे नाव आहे.
Gold Rate
22 Sept 2025
पोलिसांनी दिलेल्या माहितीनुसार, कैलास आणि रामेश्वर हे दोघे रविवारी सकाळी 11.30 च्या सुमारास मोपेड (MH-31/DX 5093) वरून जात होते. ते मानेवाडा रिंगरोडवरील उदय नगर चौकाजवळ आले असता भरधाव वेगाने येणाऱ्या टँकर ट्रकने (एमएच-04/एफपी 7204) त्यांच्या मोपेडला जोरदार धडक दिली. टँकर ट्रकने काही अंतरापर्यंत खेचल्याने कैलासच्या डोक्याला गंभीर दुखापत झाली. रामेश्वरलाही गंभीर दुखापत झाली आहे. दोघांनाही तातडीने शासकीय रुग्णालयात दाखल केले. यादरम्यान कैलास चवरे यांचा मृत्यू झाला असून रामेश्वर उपचार घेत आहेत.
रामेश्वर देवतळे यांनी दिलेल्या तक्रारीवरून हुडकेश्वर पीएसआय राठोड यांनी टँकर चालकावर भादंवि कलम २७९, ३३८, ३०४ (अ) अन्वये गुन्हा दाखल केला. अपघातानंतर आपले वाहन सोडून घटनास्थळावरून पळून गेलेल्या अज्ञात टँकर चालकाचा पोलीस शोध घेत आहेत.
