नागपूर : राणा प्रताप नगर परिसरात रविवारी सायंकाळी क्रेनखाली येऊन एका पादचाऱ्याला चिरडून मृत्यू झाल्याची घटना घडली आहे. लोकांच्या रोषाच्या भीतीने चालकाने घटनास्थळावरून पळ काढला.
मानसिंग सखाराम वाघाडे (५६) असे मृताचे नाव असून तो एकात्मा नगर झोपडपट्टी, जयताळा रोड येथे राहतो. तो ढोल वाजवून दुकानांमध्ये जाऊन भिक्षा गोळा करण्याचे काम करत होता.
Gold Rate
09 May 2025
सायंकाळी सहाच्या सुमारास ते प्रताप नगर रिंगरोडवरील मंगलमूर्ती चौकाकडे जात होते. श्रीनाथ फरसाण यांच्या समोर अचानक भरधाव वेगाने जाणाऱ्या क्रेनने (MH- 40/BJ-1959) वाघाडे यांना धडक दिली . क्रेनखाली येत त्यांचा मृत्यू झाला आहे.
सार्वजनिक हिंसाचाराच्या भीतीने क्रेन चालकाने घटनास्थळावरून पळ काढला. वाघाडे यांना तातडीने शासकीय वैद्यकीय महाविद्यालय व रुग्णालयात दाखल करण्यात आले. वाघाडे यांची तपासणी केल्यानंतर डॉक्टरांनी त्यांना मृत घोषित केले. मृताचा मुलगा शिशुपाल (३४) याचा जबाब नोंदवून घेतल्यानंतर राणा प्रताप नगर पोलिसांनी भारतीय दंड संहितेच्या कलम ३०४(अ), २७९, मोटार वाहन कायद्याच्या कलम १३४, १७७ नुसार गुन्हा दाखल केला. क्रेन चालकाचा शोध सुरु आहे.
