Advertisement
नागपूरमधील बेलतरोडी पोलीस ठाण्याच्या हद्दीत काल मध्यरात्री भीषण अपघात घडला. पूर्ती बाजार परिसरात भरधाव वेगाने येणाऱ्या किया सोनेट कारने दुचाकीवरून जाणाऱ्या पती-पत्नीला जोरदार धडक दिली. या धडकेत दोघेही गंभीर जखमी झाले.
अपघातानंतर जखमींना तात्काळ वैद्यकीय महाविद्यालय व रुग्णालयात दाखल करण्यात आले. मात्र, उपचार सुरू असताना दोघांचाही मृत्यू झाला. या घटनेमुळे परिसरात शोककळा पसरली आहे.
दरम्यान, कार चालक हा बँक व्यवस्थापक असल्याची माहिती समोर आली असून, तो दारूच्या नशेत वाहन चालवत असल्याचा प्राथमिक अंदाज व्यक्त केला जात आहे. पोलिसांनी चालकाला ताब्यात घेतले असून घटनेचा पुढील तपास सुरू आहे.
या अपघातामुळे शहरात पुन्हा एकदा मद्यधुंद वाहनचालकांचा प्रश्न ऐरणीवर आला असून, नागरिकांकडून कठोर कारवाईची मागणी होत आहे.
Advertisement
Advertisement
