नागपूर : मानकापुर परिसरातील सद्भावना नगर, गोधनी रोड येथील प्लॉट क्रमांक ५३ वर असलेल्या बंद घरात अज्ञात चोरांनी धाड घालत तब्बल १२.८५ लाखांचा मुद्देमाल चोरून नेल्याची घटना उघडकीस आली आहे. ही चोरी २८ नोव्हेंबरच्या रात्री ८ ते २९ नोव्हेंबरच्या सकाळी ७ या दरम्यान घडली.

घटनेची माहिती-
पीडित रेणुका अरुण मानकर (४३) यांनी दिलेल्या तक्रारीनुसार, त्यांच्या पतीची तब्येत अचानक बिघडल्याने संपूर्ण कुटुंब २८ नोव्हेंबरच्या रात्री धंतोली येथील डॉ. अजीज खान यांच्या रुग्णालयात गेले होते. घराला कुलूप लावून सर्व सदस्यांनी रुग्णालयातच रात्र काढली.

Gold Rate

June 27 ,2026 - Time 10.30Hrs

Gold 24 KT ₹ 1 43,800 /-

Gold 22 KT ₹ 1,33,400 /-

Silver/Kg ₹ 2,24,300/-

Platinum ₹ 88,000/-

Recommended rate for Nagpur sarafa Making charges minimum 13% and above

या दरम्यान अज्ञात आरोपींनी घराचे कुलूप तोडून आत प्रवेश केला आणि तिसऱ्या मजल्यावरच्या खोलीत ठेवलेल्या अलमारीतून १ लाख रोकड, सोने–चांदीचे दागिने, तसेच इतर मौल्यवान वस्तू चोरी केल्या.

सकाळी परतल्यावर उघडकीस आला प्रकार-
२९ नोव्हेंबरच्या सकाळी मानकर कुटुंब घरी परतले असता मुख्य दरवाजाचे तुटलेले कुलूप आणि अस्ताव्यस्त घर पाहून त्यांना चोरीची कल्पना आली. तत्काळ मानकापुर पोलीस ठाण्यात तक्रार दाखल करण्यात आली.

पूर्वी मसाल्याचा व्यवसाय-
रेणुका मानकर यांचे पती पूर्वी मसाल्याचा व्यवसाय करत होते. मात्र प्रकृती खालावल्याने त्यांनी काम बंद केले होते. अलीकडे त्यांच्या तब्येतीत बिघाड झाल्याने संपूर्ण कुटुंब रुग्णालयात राहिले आणि घर रिकामे असल्याचा फायदा चोरट्यांनी उठवला.

गुन्हा दाखल – तपासाला गती-
मानकापुर पोलिसांचे हवालदार वासुदेव यांनी अज्ञात आरोपीविरोधात संबंधित कलमांअंतर्गत गुन्हा दाखल केल्याचे सांगितले. पोलिसांकडून परिसरातील सीसीटीव्ही फुटेज, संदिग्ध हालचाली, तसेच बदमाशांचा तपशील तपासला जात आहे.

पोलिसांनी सांगितले की आरोपींना घर रिकामे असल्याची माहिती आधीपासून असावी अशी शक्यता आहे. या प्रकरणाचा लवकरच उलगडा करण्यात येईल, असा दावा पोलिसांनी केला आहे.