कोल्हापूर : राज्यात नगरपरिषद निवडणुकांचे वातावरण चांगलेच रंगले असून, भाजपने या निवडणुका पूर्ण जोमाने लढवण्याचा निर्धार व्यक्त केला आहे. मुख्यमंत्री देवेंद्र फडणवीस यांनी सांगितले की, भाजप या निवडणुकांत ताकदीने उतरून विजय मिळवेल, असा त्यांना पूर्ण विश्वास आहे.
फडणवीस पुढे म्हणाले, “ज्या ठिकाणी आघाडी शक्य आहे, तिथे आम्ही नक्कीच प्रयत्न करू. पण जर ती निवडणुकीपूर्वी झाली नाही, तर निकालानंतर एकत्र येण्याचे पर्याय खुले आहेत.” त्यांच्या या वक्तव्यामुळे राज्यातील स्थानिक स्वराज्य निवडणुकांच्या राजकीय रणनीतीबाबत नवे समीकरण उभे राहण्याची चिन्हे दिसत आहेत.
Gold Rate
05 Jan 2026
दरम्यान, राज्यभरात निवडणूक चळवळ वेग घेत असून, सर्वच पक्षांनी आपले उमेदवार निश्चित करण्यास आणि जनतेशी संपर्क वाढविण्यास सुरुवात केली आहे. भाजप मात्र स्वतंत्र ताकदीवर विजय संपादन करण्यासाठी सज्ज असल्याचे मुख्यमंत्री फडणवीस यांनी ठामपणे सांगितले.
