नागपूर:कोलकाता,पश्चिम बंगाल येथील सरकारी वैद्यकीय महाविद्यालयात महिला प्रशिक्षणार्थी डॉक्टरवर बलात्कार करून हत्या केल्याप्रकरणी देशभरात संतापाची लाट उसळली. या प्रकरणाचा निष्पक्ष सीबीआय तपास करण्याची मागणी होत आहे.
याशिवाय देशभरातील डॉक्टरांच्या सुरक्षा व्यवस्थेत वाढ करण्याची मागणी सेंट्रल मार्डने केली आहे. या घटनेच्या निषेधार्थ सेंट्रल मार्डने मंगळवार, १३ ऑगस्टपासून बेमुदत संपाची घोषणा केली आहे. मार्डच्या आवाहनावर आज नागपूरच्या मेयो आणि मेडिकल हॉस्पिटलमधील निवासी डॉक्टरांनी संप पुकारला आहे.यादरम्यान आपत्कालीन सेवा वगळता सर्व सामान्य सेवा बंद ठेवण्यात आल्या आहेत.
Gold Rate
Feb 14th, 2026 - Time 11.45Hrs
कोलकाता घटनेप्रकरणी पोलिसांनी बलात्काराचा गुन्हा दाखल केला आहे.
सीसीटीव्ही फुटेजच्या आधारे एकाला अटक करण्यात आली असली तरी या प्रकरणाची नि:पक्षपातीपणे चौकशी करून मृत डॉक्टरला न्याय मिळवून देण्यासाठी सीबीआय चौकशीची मागणी केली जात आहे. याशिवाय सर्व शासकीय महाविद्यालयातील रहिवाशांसह इतर सर्व डॉक्टरांची सुरक्षा व्यवस्था मजबूत करण्याची मागणी करण्यात आली आहे.डॉक्टरांच्या या संपामुळे मेयो- मेडिकलच्या कामकाजावर परिणाम होणार आहे.
