नागपूर : कॉटन मार्केट परिसरातील प्रसिद्ध फुले मार्केटमध्ये घाऊक भाजीच्या दुकानाच्या नावाखाली सुरू असलेल्या सेक्स रॅकेटचा नागपूर गुन्हे शाखेच्या सामाजिक सुरक्षा विभागाने शुक्रवारी पर्दाफाश केला. जोशी ट्रेडर्सचे मालक जय महादेव जोशी (42, रा. फ्लॅट क्रमांक 21, रामकृष्ण नगर, उमरेड रोड, दिघोरी) याला अटक करण्यासोबतच पोलिसांनी छाप्यामध्ये दोन महिलांचीही सुटका केली आहे.
पोलीस सूत्रांनी दिलेल्या माहितीनुसार, फुले मार्केटमधून सेक्स रॅकेट चालवल्याची गुप्त माहिती एसएसबीच्या पथकाला मिळाली. माहितीची पुष्टी केल्यानंतर, पोलिसांनी जोशी ट्रेडर्सवर छापा टाकला आणि त्याचा मालक जय जोशी हा भोळ्या भाबड्या महिलांना पैशाचे आमिष देऊन वेश्याव्यवसायासाठी प्रवृत्त करत असल्याचे आढळून आले.
Gold Rate
05 May 2025
पोलिसांनी आरोपींना अटक केली आहे.अनैतिक तस्करी कायद्याच्या कलम 4, 5 आणि 7 सह वाचलेल्या आयपीसीच्या कलम 370 अन्वये गुन्हा दाखल करण्यात आला.
ही करवाई पीआय कविता इसरकर, पीएसआय महेंद्र थोटे, पोलीस कॉन्स्टेबल प्रकाश माथनकर, लक्ष्मण चौरे, शेषराव राऊत, अजय पौनीकर, अश्विन मांगे आदींच्या नेतृत्वाखाली एसएसबीच्या पथकाने केली.
