नागपूर : शिवसेना (ठाकरे गट) पक्षप्रमुख उद्धव ठाकरे यांनी भाजप कार्यकर्त्यांवर सडकून टीका केली.भाजपचा मुख्य कार्यकर्ता सतरंजी उचलतो, असे ठाकरे म्हणाले होते. ठाकरे यांच्या विधानानंतर स्वतः व्यथा मांडत नागपुरातील शिवसैनिकांनी नाराजी व्यक्त केली.
नागपुरातही शिवसैनिकांची अवस्था दयनीय आहे. निष्ठावान शिवसैनिक घरी बसला आहे. त्यांची काम करण्याची इच्छा असली तरी बाहेरून आलेले आणि मुंबईतील नेते मंडळी शिवसैनिकांचा अवमान करतात, याकडे केव्हा लक्ष द्याल, असा सवाल दक्षिण नागपूरचे विभागीय संघटक राजेश कनोजिया यांनी केला.
Gold Rate
06Oct 2025
शहरातील निष्ठावान शिवसैनिक एकटा पडला. उद्धव ठाकरे यांच्याबद्दल सहानुभूती आहे. मात्र, स्थानिक पदाधिकाऱ्यांमुळे पक्ष बळकट करण्यासाठी कुठलेच कार्यक्रम, नियोजन नाही, असे कनोजिया म्हणाले. नागपूर शहरातील शिवसैनिकांचा आवाज दबला गेला आहे. मुंबईचे नेते आले की बैठक होते. त्यानंतर परिस्थिती ‘जैसे थे’ होते , असे कनोजिया म्हणाले.
