नागपूर : वाकी परिसरातील कन्हान नदीजवळ फिरायला गेलेल्या चार मित्राचा नदीत बुडून मृत्यू झाल्याची धक्कादायक घटना घडली आहे. बुडालेल्या चौघांपैकी दोघांचे मृतदेह शोधण्यात शुक्रवारी रात्रीपर्यंत पोलिसांना यश आले. इतर दोघांच्या मृतदेहांचा शोध सुरू आहे. शुक्रवारी रात्री अंधार पडल्याने शोधकार्य थांबवण्यात आले. शनिवारी (आज) सकाळी पुन्हा शोधकार्याला सुरवात झाली आहे.
सोनिया मरसकोल्हे (१७) नारा आणि विजय ठाकरे (१९) नारा या दोघांचा मृतदेह सापडला. पोलिसांनी शुक्रवारी सकाळपासून शोधमोहीम सुरू केली होती. यासाठी विविध यंत्रणांचीही मदत घेतली गेली. शेवटी रात्री दोन मृतदेह शोधण्यात चमूला यश आले.
Gold Rate
Feb 10th, 2026 - Time 11.45Hrs
नारा आणि कामठी येथील सहा मित्र-मैत्रिणी १७ ऑगस्टला सकाळी ११ वाजता कामठीतून वाकी दर्शनासाठी गेले. दर्शनानंतर कन्हान नदीवर आंघोळीचा मोह मित्र-मैत्रिणींना आवरला नाही.
त्यापैकी दोघी काठावर आंघोळ करीत होत्या. यादरम्यान नदीत उतरलेली सोनिया बुडायला लागली. तिला वाचवण्यासाठी विजय ठाकरे, अंकुल आणि अर्पितनेही पाण्यात उडी घेतली. शेवटी चौघेही नदीत बुडाल्याची माहिती आहे.
