नागपूर : शहरातील पाचपवली पोलीस ठाण्याच्या हद्दीत पोलिसांनी मोठी कारवाई केली आहे. या कारवाईत पोलिसांनी एका तरुणाला अटक केली.रविवारी रात्री 1.50 ते 3.15 च्या दरम्यान बाबा बुद्धाजी नगर येथील गुरुद्वाराजवळ ही कारवाई करण्यात आली. सामाजिक सुरक्षा युनिट आणि गुन्हे शाखेच्या युनिट 3 ने संयुक्तपणे हा छापा टाकला.
रुपेश बिहारीराव आदिवासी असे अटक आरोपीचे नाव आहे. तो झारखंडमधील गुमला जिल्ह्यातील रहिवासी आहे. पोलिसांनी आरोपींकडून 26 तलवारी आणि एक मारुती इको कार असा सुमारे 52 हजार रुपये किमतीचा मुद्देमाल जप्त केला आहे.
आरोपीला घटनास्थळी अटक करून त्याची वैद्यकीय तपासणी करण्यात आली. यानंतर त्याला पाचपोली पोलिस ठाण्याच्या ताब्यात देण्यात आले आहे. पोलिसांनी आरोपींविरुद्ध भारतीय शस्त्र कायदा कलम 135 आणि महाराष्ट्र पोलीस अधिनियम कलम 135 अन्वये गुन्हा दाखल केला आहे.
पोलिसांनी दिलेल्या माहितीनुसार, एवढ्या मोठ्या प्रमाणात तलवारी जप्त करण्यात आल्याने आरोपी काही बेकायदेशीर कृत्यांचा कट रचत असल्याचे स्पष्ट झाले आहे. या प्रकरणाचा तपास सुरू असून, ही शस्त्रे कुठे आणि का वापरली जाणार होती, याचा शोध घेतला जात आहे.
