नागपूर: सायबर जागरूकता वाढवण्यासाठी आणि विद्यार्थ्यांमध्ये सायबरशी संबंधित समस्यांचे निराकरण करण्यासाठी महत्त्वपूर्ण पाऊल उचलण्यात आले आहे. यापार्श्वभूमीवर नागपूर शहर पोलीस आयुक्त डॉ.रवींद्र सिंगल यांनी रामदेव बाबा अभियांत्रिकी महाविद्यालय, गिट्टीखदान येथे “सायबर क्लब” चे उद्घाटन केले. संपूर्ण नागपुरातील शैक्षणिक संस्थांमध्ये सायबर सुरक्षा वाढविण्याच्या उद्देशाने सक्रिय उपक्रम सुरु करण्यात आला आहे.
नागपूर शहरातील प्रत्येक शाळा, महाविद्यालयात सायबर क्लब स्थापन करा. या क्लबमध्ये शिक्षक सदस्य आणि विद्यार्थ्यांचा समावेश असलेल्या समित्या तयार करा, महिला पीडित महिलांना भेडसावणाऱ्या समस्यांचे निराकरण करण्यासाठी सुरक्षित व्यासपीठ तयार करण्यासाठी महिला विद्यार्थ्यांचा समावेश सुनिश्चित करण्याचे आवाहन सिंगल यांनी केले आहे.
Gold Rate
09 May 2025
सायबर क्लबच्या फॅकल्टी मेंबर डॉ. रश्मी वेलेकर यांच्या परिचयाने कार्यक्रमाची सुरुवात झाली. डॉ. सिंगल यांनी क्लबची उद्दिष्टे विशद केली व सायबर गुन्हे रोखण्याबाबत सविस्तर मार्गदर्शन केले.
पोलिस उपायुक्त, निमित गोयल यांनी सायबर गुन्हेगार प्रतिबंधात्मक उपायांद्वारे वापरल्या जाणाऱ्या पद्धतींची चर्चा केली. कार्यक्रमाचे संचालन वेदांत नायडू व वरद्य कुलकर्णी यांनी केले तर आभार डॉ.राकेश कडू यांनी मानले. या कार्यक्रमाला सायबर पोलीस स्टेशनचे अधिकारी, प्राध्यापक सदस्य आणि मोठ्या संख्येने विद्यार्थी उपस्थित होते.
