मुख्यमंत्री देवेंद्र फडणवीस यांनी केले राज्यपाल, विधानपरिषद सभापती व विधानसभा अध्यक्षांचे स्वागत

मुंबई: अर्थसंकल्पीय अधिवेशनाच्या पहिल्या दिवशी मुख्यमंत्री देवेंद्र फडणवीस यांनी राज्यपाल चे. विद्यासागर राव तसेच विधानपरिषद सभापती रामराजे नाईक-निंबाळकर व विधानसभा अध्यक्ष हरिभाऊ बागडे यांचे पुष्पगुच्छ देऊन स्वागत केले.

अर्थसंकल्पीय अधिवेशनाच्या अभिभाषणासाठी राज्यपाल चे. विद्यासागर राव यांचे सकाळी विधानभवनात आगमन झाल्यानंतर विधानपरिषद सभापती श्री. नाईक-निंबाळकर, अध्यक्ष श्री. बागडे व मुख्यमंत्री श्री. फडणवीस यांनी त्यांचे स्वागत केले. त्यानंतर पोलीस दलाने राज्यपाल श्री.राव यांना मानवंदना दिली.

तत्पूर्वी मुख्यमंत्री श्री. फडणवीस यांनी विधानपरिषद सभापती व अध्यक्ष यांना त्यांच्या दालनात जाऊन पुष्पगुच्छ देऊन त्यांचे स्वागत केले. यावेळी शालेय शिक्षण मंत्री विनोद तावडे, आमदार राज पुरोहित उपस्थित होते.