Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

    Nagpur City No 1 eNewspaper : Nagpur Today

    | | Contact: 8407908145 |
    Published On : Wed, Aug 12th, 2020

    “पार्थ मित्रा थांबू नकोस,” शरद पवारांनी फटकारल्यानंतर नितेश राणे यांचं ट्विट

    सुशांत सिंह मृत्यू प्रकरणी पार्थ पवार यांनी सीबीआय चौकशीची मागणी करण्यावरुन आजोबा आणि राष्ट्रवादी काँग्रेसचे अध्यक्ष शरद पवार यांनी फटकारलं आहे. पार्थ पवार अपरिपक्व असल्याचं शरद पवार यांनी म्हटलं आहे. यादरम्यान भाजपा आमदार नितेश राणे यांनी एक उपहासात्मक ट्विट केलं आहे. “पार्थ लंबी रेस का घोडा” असल्याचं त्यांनी आपल्या ट्विटमध्ये म्हटलं आहे.

    नितेश राणे यांनी ट्विटमध्ये म्हटलं आहे की, “आज परत सांगतो…पार्थ.. लंबी रेस का घोडा है !!! थांबू नकोस मित्रा”. नितेश राणे यांनी ट्विटमध्ये इतर कोणताही संदर्भ दिलेला नाही. मात्र शरद पवारांच्या वक्तव्यानंतर काही वेळातच त्यांनी हे ट्विट केलं.

    शरद पवारांनी काय म्हटलं आहे –
    सुशांत सिंह मृत्यू प्रकरणी पार्थ पवार यांनी सीबीआय चौकशीची मागणी केलेली होती. यावर प्रतिक्रिया देताना शरद पवार यांनी पार्थ पवार अपरिपक्व असल्याचं म्हटलं आहे. मुंबई तसंच महाराष्ट्र पोलिसांवर पूर्ण विश्वास असल्याचं शरद पवार यांनी यावेळी म्हटलं. यशवंतराव चव्हाण सेंटर येथे शरद पवार आणि शिवसेना खासदार संजय राऊत यांची बैठक पार पडली. या बैठकीनंतर प्रसारमाध्यमांशी बोलताना त्यांनी ही प्रतिक्रिया दिली.

    पार्थ पवार यांनी गृहमंत्री अनिल देशमुख यांची भेट घेत सुशांतच्या मृत्यू प्रकरणी सीबीआय चौकशीची मागणी केली होती. शरद पवार यांना यासंबंधी विचारण्यात आलं असता त्यांनी सांगितलं की, “नातवाच्या बोलण्याला कवडीचीही किंमत देत नाही. ते अपरिपक्व आहेत”.

    Stay Updated : Download Our App
    Mo. 8407908145