नागपूर : विधानसभा निवडणुकीच्या पार्श्वभूमीवर आज गुरुवारी माजी मंत्री सुनील केदार यांच्या पत्नी अनुजा केदार यांनी सावनेर विधानसभा मतदारसंघातून अपक्ष म्हणून अर्ज दाखल केला. यावेळी नागपूर जिल्हा परिषदेच्या अध्यक्षा मुक्ता कोकडडे यांच्यासह अन्य नेते उपस्थित होते. अनुजा केदार काँग्रेसच्या तिकिटावर निवडणूक लढवणार असल्याची चर्चा आतापर्यंत होती. मात्र, तिकीट जाहीर होण्यापूर्वीच केदार यांनी अपक्ष म्हणून पत्नीचा अर्ज दाखल केला.
सुनील केदार यांनी 1999 च्या निवडणुकीपासून सातत्याने या मतदारसंघातून विजय मिळवला आहे. मात्र, नागपूर जिल्हा मध्यवर्ती सहकारी बँक घोटाळ्यात दोषी आढळल्याने उच्च न्यायालयाने सुनील केदारला ५ वर्षांची शिक्षा सुनावली.
Gold Rate
20 Jan 2026
त्यानंतर गेल्या वर्षी त्यांना विधानसभा सदस्य म्हणून अपात्र घोषित करण्यात आले होते, त्यामुळे ते पुढील 6 वर्षे निवडणूक लढवू शकणार नाहीत.
अशा स्थितीत त्यांच्या जागी त्यांच्या पत्नी अनुजा केदार यांना उमेदवारी देण्यात आली आहे. अनुजा केदार यांनी सावनेर तहसील कार्यालयात उमेदवारी अर्ज दाखल केला. सावनेर आणि कळमेश्वर मतदारसंघात केदार कुटुंबाची मजबूत पकड पाहता त्यांच्या उमेदवारीला विशेष महत्त्व दिले जात आहे.
