Published On : Wed, Aug 28th, 2024
By Nagpur Today Nagpur News

इतवारीत आरोपीला पकडण्यासाठी गेलेल्या तहसील पोलिसावर हल्ला करण्यासाठी सोडला कुत्रा !

-आरोपीने सराफा बाजारात तरुणीची काढली होती छेड
Advertisement

नागपूर: इतवारी सराफा बाजारात तरुणीची छेड काढणाऱ्या संशयिताला पकडण्यासाठी गेलेल्या तहसील पोलिसावर आरोपीने ग्रेट डेन प्रजातीचा कुत्रा सोडल्याची धक्कादायक घटना समोर येत आहे.

ही घटना 27 ऑगस्ट 2024 रोजी रात्री 10:00 ते 10:30 च्या दरम्यान घडली, जेव्हा रात्रीच्या ड्युटीवर असलेले कॉन्स्टेबल संजय रामलाल साहू यांनी एका तरुणीचा छेड काढल्याच्या आरोपाखाली अंकुश उर्फ ​​गुड्डू पिंटू (37) याला अटक केली.

Gold Rate
23 April 2025
Gold 24 KT 96,500 /-
Gold 22 KT 89,700 /-
Silver / Kg 96,800 /-
Platinum 44,000 /-
Recommended rate for Nagpur sarafa Making charges minimum 13% and above

बागरी यांना आरोपी पिंटू याला आणण्याची जबाबदारी सोपवण्यात आली होती. पोलीस हवालदार आरोपीच्या घरी आल्यावर त्याने त्याच्या ग्रेट डेन कुत्र्याला पोलिसावर हल्ला करण्यासाठी सोडले. इतकेच नाही तर आरोपी पिंटू ने अधिकाऱ्यावर शाब्दिक हल्ला करण्यास सुरुवात केली.

परिणामी कॉन्स्टेबलच्या डाव्या हाताच्या अंगठ्याला कुत्र्याने जबर चावा घेतला. अंकुशचे वडील पिंटू नंदलालजी बागरी (७३) यांनीही अधिकाऱ्यांना शिवीगाळ आणि धमक्या देऊन अटकेत अडथळा आणला. पोलिसांने लाठीमार केल्यानंतर कुत्रा पळून गेला. कॉन्स्टेबल शाहू यांना तातडीने मेयो रुग्णालयात नेण्यात आले, तेथे त्यांच्यावर उपचार करण्यात आले.

या घटनेप्रकरणी भारतीय न्याय संहिता (BNS) च्या कलम 132, 291, 296, 351 आणि 3(5) अंतर्गत तहसील पोलिस ठाण्यात गुन्हा दाखल करण्यात आला आहे. अंकुश आणि त्याच्या वडिलांना अटक करण्यात आली असून पोलिसांनी पुढील तपास सुरू केला आहे.

Advertisement
Advertisement