नागपूर : शहरात महाशिवरात्रीच्या उपवासानिमित्त खरेदी केलेल्या शिंगाड्याच्या पिठातून विषबाधा झाल्यानंतर शंभरहून अधिक नागरिकांची प्रकृती बिघडली.
या प्रकरणात पोलिसांनी सरोज नमकीन कंपनीच्या मालकाविरोधात गुन्हा दाखल केला आहे. हिंगणा पोलीस ठाण्याच्या पथकाने ही कारवाई केली आहे. शिंगाड्याचा पिठापासून तयार केलेले खाद्यपदार्थ खाऊन नागरिकांना उलट्या, मळमळणे, पोटात दुखणे व अतिसाराची लक्षणे दिसून आली.
Gold Rate
15 May 2025
हिंगणा पोलीस ठाण्याच्या हद्दीतील सात जणांची प्रकृती खराब झाली व त्यांना शालिनीताई मेघे रुग्णालयात दाखल करण्यात आले होते. या रुग्णांनी हिंगण्यातील गोपाळ हॉटेल व गुरुकृपा किराणा स्टोअर्स येथून शिंगाड्याच्या शेवेचे पाकिटं विकत घेतले होते. पोलिसांनी रुग्ण व दुकानदारांचे बयाण घेतले, तसेच तो माल तपासणीसाठी पाठविला. यानंतर कारवाई करत पोलिसांनी सरोज नमकीन कंपनीचे मालक व वितरक यांच्याविरोधात गुन्हा दाखल केला आहे.
