नागपूर : नागपूर महानगरपालिका च्या आज झालेल्या सर्वसाधारण सभेत अनेक महत्त्वपूर्ण प्रशासकीय निर्णयांना एकमताने मंजुरी देण्यात आली. महापौर निता ठाकरे यांच्या अध्यक्षतेखाली पार पडलेल्या या बैठकीत विविध समित्यांची पुनर्रचना तसेच नामनिर्देशित सदस्यांच्या नियुक्त्या जाहीर करण्यात आल्या.
सभेत दुर्बल घटक समितीचे गठन करण्यात आले असून, या समितीच्या अध्यक्षपदी भाजपच्या कु. लक्ष्मी चंद्रभूषण हत्तीठेले यांची निवड करण्यात आली. मागास व दुर्बल घटकांशी संबंधित योजनांच्या अंमलबजावणीवर लक्ष ठेवण्याची जबाबदारी या समितीकडे राहणार आहे.
तसेच नागपूर सुधार प्रन्यास च्या विश्वस्त मंडळावर मनपाचे प्रतिनिधी म्हणून भाजपचे शेषराव गोतमारे यांची नियुक्ती करण्यात आली. या निर्णयालाही सभागृहाची एकमताने मान्यता मिळाली.
Gold Rate
Apr 23 2026 - Time 10.30Hrs
याशिवाय मनपाच्या नामनिर्देशित नगरसेवक म्हणून 9 सदस्यांची घोषणा करण्यात आली. यामध्ये भाजप, शिवसेना आणि काँग्रेसच्या प्रतिनिधींचा समावेश असून सर्व नावांना सभागृहात कोणताही विरोध न होता मंजुरी देण्यात आली.
बैठकीदरम्यान शहरातील विकासकामे आणि विविध प्रशासकीय मुद्द्यांवरही चर्चा झाली. सर्व नवनियुक्त सदस्यांचे महापौरांनी स्वागत करत पुढील कार्यकाळासाठी शुभेच्छा दिल्या.
