नागपूर:भारत-पाकिस्तान दरम्यान झालेल्या शस्त्रसंधीनंतर राष्ट्रवादी काँग्रेस पक्षाचे नेते शरद पवार यांनी एक महत्वपूर्ण पोस्ट केली आहे. पवार यांनी आपल्या पोस्टमध्ये भारताच्या भूमिकेवर स्पष्टीकरण दिले आहे.
त्यांनी म्हटलं आहे की, भारताने कधीच दहशतवादाला पाठिंबा दिला नाही. ‘ऑपरेशन सिंदूर’ अंतर्गत, भारताने केवळ दहशतवादी तळांवर प्रचंड आणि अचूक कारवाई केली. या कारवाईचा उद्देश पाकिस्तानी लष्करी तळांना किंवा नागरिकांना लक्ष्य करणे नव्हते. ती कारवाई केवळ भारताच्या सुरक्षेसाठी अनिवार्य होती.
Gold Rate
28 July 2025
पवार यांनी आणखी म्हटलं की, “पाकिस्तानकडून सातत्याने होणाऱ्या अशांततेला संयमाने आणि निर्णायकपणे उत्तर देणं हे भारताचं कर्तव्य आहे, आणि भारताने ते शांततेच्या दृष्टीकोनातून पार केलं आहे.”
शरद पवार यांचे म्हणणे आहे की, भारत नेहमीच शांततेचा आणि संवादाचा समर्थक राहिला आहे. अशा घडामोडी घडल्यास ते स्वागतार्ह आहेत. परंतु, दहशतवादाविरोधात कठोर पावले उचलणं हे आंतरराष्ट्रीय समुदायाचं सामूहिक कर्तव्य आहे.
पवार यांची ही पोस्ट भारताच्या सुरक्षा धोरणावर प्रकाश टाकत आहे आणि शांततेच्या दिशेने घेतलेले पाऊल दहशतवादाविरोधातील जागतिक लढ्याला बळ देत असल्याचे सांगते.
