नागपूर : अंबाझरी तलावाजवळील उंच इमारतीच्या बांधकामांमुळे शहारात पूरजन्य परिस्थितीचा धोका निर्माण होण्याची शक्यता आहे.या गंभीर परिस्थितीवर ‘नागपूर टुडे’ने प्रकाश टाकला. या वृत्ताची दखल घेत राष्ट्रीय हरित अधिकरण(NGT),नवी दिल्ली यांनी नागपूर महानगरपालिका आणि नागपूरचे जिल्हाधिकारी यांना नोटीस बजावली आहे. 21 मे 2024 रोजी प्रकाशित झालेल्या नागपूर टुडेच्या अहवालात असे म्हटले होते की, नागपुरातील रहिवाशांना, विशेषत: नाग नदीकाठी आणि आसपासच्या भागात राहणाऱ्यांना या पावसाळ्यात अंबाझरी तलावाजवळ उंच इमारतीच्या बांधकामामुळे मोठ्या समस्यांना तोंड द्यावे लागू शकते. नागपूरकरांना याची प्रचित 23 सप्टेंबर 2023 रोजी आली होती. कारण त्यावेळी नागरिकांना पुराचा सामना करावा लागला होता. ज्यामुळे मालमत्ता आणि पायाभूत सुविधांचे मोठ्या प्रमाणात नुकसान झाले. नाग नदी दुथडी भरून वाहू लागली, जवळपासचे निवासी भाग पाण्याखाली गेले होते. राष्ट्रीय हरित न्यायाधिकरणाच्या प्रधान खंडपीठाने न्यायमूर्ती प्रकाश श्रीवास्तव, अध्यक्ष, न्यायमूर्ती अरुणकुमार त्यागी, न्यायिक सदस्य आणि डॉ. ए. सेंथिल वेल, तज्ञ सदस्य, यांनी नागपूर टुडेच्या अहवालाची दखल घेत उंच इमारतींच्या बांधकामामुळे नागपूरच्या रहिवाशांच्या किंवा पर्यावरणाच्या सुरक्षिततेशी तडजोड होता कामा नये, असे म्हटले आहे.
दरम्यान अंबाझरी स्पिलवे येथील स्वामी विवेकानंद स्मारकाच्या जागेबाबत मुंबई उच्च न्यायालयाच्या नागपूर खंडपीठात सध्या सुनावणी सुरू आहे. ही कायदेशीर लढाई सुरू असलेली अधोरेखित करते.
Gold Rate
29 April 2025
